ఉగాండా నుంచి కాంగో వెళ్తున్న పడవ బోల్తా పడింది. ఈ ఘటనలో 33 మంది మృతి చెందారు. మరో ఏడుగురు ప్రాణాలతో బయటపడ్డారు. ఇరు దేశాలకు నడుమ ఉన్న కొలోకోటో పట్టణానికి సమీపంలో ఆల్బర్ట్ సరస్సులో రాత్రిపూట బోటు ప్రమాదానికి గురైందని అధికారులు తెలిపారు. మరణించినవారిలో ఎక్కువ మంది కరోనా నిబంధనలు తప్పించుకుని అక్రమంగా కాంగో వెళ్తున్నవారే ఉన్నట్లు వెల్లడించారు.
ఉగాండాలో కరోనా విజృంభణ కొనసాగుతుండగా.. వైరస్ వ్యాప్తి కట్టడిలో భాగంగా కఠిన నిబంధనలు అమలు చేస్తోంది. ఈ క్రమంలో ఉగాండాలో చిక్కుకుపోయిన కాంగో వాసులు.. కొవిడ్ ఆంక్షలను ఉల్లంఘించి తమ దేశానికి(కాంగో) వెళ్లిపోవాలని భావిస్తున్నారని.. ఈ నేపథ్యంలోనే ప్రమాదం సంభవించిందని పేర్కొన్నారు. బలమైన గాలులు వీయడమే ఘటనకు కారణమని భావిస్తున్నారు.
ఇదీ చూడండి: సముద్రంలో పడవ మునిగి 20మంది మృతి
