నల్లకుంట డివిజన్ ప్రజలకు రేయింబవళ్లు అందుబాటులో ఉండి డివిజన్ అభివృద్ధి కోసం కృషి చేస్తానని శ్రీమతి జ్యోతి యాదగిరి గౌడ్ తెలిపారు. ఒక్కసారి అవకాశం కల్పిస్తే డివిజన్ అభివృద్ధి కోసం రేయింబవళ్లు కష్టపడి పని చేస్తానన్నారు. తెరాస పార్టీ బెదిరింపు రాజకీయాలు చేస్తోందని, కాంగ్రెస్ పార్టీ కార్యకర్తలకు ఫోన్లు చేసి పెన్షన్లు ఆపుతామని బెదిరిస్తున్నారని ఆరోపించారు. వరదలు వచ్చి ప్రజలు ఇబ్బందులు పడుతుంటే ఆదుకోవాల్సిన నాయకులు తమ పార్టీ కార్యకర్తలకే వేలకు వేలు ఇచ్చుకున్నారు తప్ప నిజమైన అర్హులైన సామాన్య ప్రజలకు సహాయం అందలేదని విమర్శించారు. గెలిపిస్తే డివిజన్లో కలుషిత తాగునీటి సరఫరా సమస్యకు చెక్ పెడతామని, డ్రైనేజీ వ్యవస్థను పునరుద్ధరిస్తామని, మూసీ కాలువకు రిటైనింగ్ వాల్ సమస్యను పరిష్కరిస్తామని హామీ ఇచ్చారు.
కాంగ్రెస్ ఆరోగ్యశ్రీ, ఫీజు మాఫీ తెచ్చింది : జ్యోతి గౌడ్
