చరణ్​-బన్నీని కూడా శ్రీలీల వదల్లేదుగా!

యంగ్ బ్యూటీ శ్రీలీలకు మరో రెండు సూపర్ ఛాన్స్​లు వరించేటట్టు కనిపిస్తోంది. ఆమెతో నటించేందుకు రామ్​చరణ్​, అల్లు అర్జున్ ఆసక్తి చూపుతున్నట్లు తెలుస్తోంది. ఆ వివరాలు..

టాలీవుడ్ యంగెస్ట్ బ్యూటీ అనగానే ఇప్పుడు అందరికీ గుర్తొచ్చేది శ్రీలీలనే. పెళ్లి సందడితో ఎంట్రీ ఇచ్చి 'ధమాకా'తో రూ.100కోట్ల హీరోయిన్​గా మారిన ఈ బ్యూటీ.. ప్రస్తుతం వరుస సినిమాలకు గ్రీన్ సిగ్నల్ ఇస్తూ జోరు చూపిస్తోంది. ఒకే సారి పది సినిమాలను లైన్​లో పెట్టుకొని జెట్ స్పీడ్​తో దూసుకెళ్తోంది. యంగ్ హీరోస్​ టు స్టార్ హీరోలకు వరకు అందరూ ఈమెతో సినిమాలు చేసేందుకు ఆసక్తి చూపిస్తున్నారు. దర్శకనిర్మాతలు కూడా ఆమెతోనే సినిమాలు చేయాలని ప్రయత్నిస్తున్నారు.

ఇప్పటికే శ్రీలీల.. మహేశ్​బాబు, పవన్​ కల్యాణ్​, బాలకృష్ణ, నితిన్​, రామ్​పోతినేని వంటి స్టార్ హీరోలు ఆఫర్లను కొట్టేసింది. దర్శకనిర్మాతలు కూడా తమ సినిమాల్లోని ఇప్పటికే ఎంపిక చేసుకున్న హీరోయిన్లను సైలెంట్​గా పక్కకు పెట్టి శ్రీలీలకే అవకాశాలు ఇస్తున్నారు. రీసెంట్​గా గుంటూరు కారం, ఉస్తాద్ భగత్​ సింగ్​లో పూజాహెగ్డే ఉండాల్సిందే.. ఆమె స్థానంలో శ్రీలీలను తీసుకున్నారు.

బుచ్చిబాబు సినిమాలో.. అయితే ఇప్పుడు మెగా పవర్ స్టార్ రామ్​ చరణ్​ కూడా శ్రీలీలపై ఇంట్రెస్ట్ చూపుతున్నట్లు తెలుస్తోంది. ప్రస్తుతం రామ్​చరణ్​.. దిగ్గజ దర్శకుడు శంకర్​ తెరకెక్కిస్తున్న 'గేమ్​ఛేంజర్​'లో నటిస్తున్న సంగతి తెలిసిందే. దీని తర్వాత ఆయన ఉప్పెన ఫేమ్​ బుచ్చిబాబుతో కలిసి ఓ స్పోర్ట్స్ బ్యాక్​గ్రౌండ్ సినిమా చేయనున్నారు. అయితే హీరోయిన్​గా ఇందులో బాలీవుడ్ భామ జాన్వి కపూర్ ఫిక్స్​ అయిందని ప్రచారం జరిగింది. కానీ ఇప్పుడు ఏమైందో తెలీదు తెలియదు ఆమెను పక్కకు పెట్టారని అంటున్నారు. శ్రీలీలను మెయిన్ హీరోయిన్​గా తీసుకోవాలని ఆలోచిస్తున్నారట. చరణ్ కూడా ఆమె పేరును సజెస్ట్ చేశారట.

Allu arjun sreeleela movie : త్రివిక్రమ్​-బన్నీ సినిమాలోనూ... ఇకపోతే ప్రస్తుతం పుష్ప 2 అల్లు అర్జున్ బిజీగా ఉన్న సంగతి తెలిసిందే. దీని తర్వాత ఆయన మాటల మాంత్రికుడు త్రివిక్రమ్​తో కలిసి ఓ సినిమా చేయబోతున్నట్లు ప్రకటించారు. ఇందులో హీరోయిన్​గా సంయుక్తం మేనన్​ను హీరోయిన్​గా తీసుకోబోతున్నట్లు ప్రచారం సాగింది. కానీ ఇప్పుడు ఆమెను కాదని శ్రీలీలపైనే ఇంట్రెస్ట్ చూపిస్తున్నారని వార్తలు వస్తున్నాయి. మరి ఇందులో కూడా నిజమెంతో తెలీదు కానీ ఈ ప్రచారాలు ఎక్కువైపోయాయి. ఈ రెండు ప్రచారాలు కనుక నిజమైతే.. శ్రీలీల పాన్​ ఇండియా హీరోయిన్ అవ్వడం ఖాయమే! ఇక ఈ విషయం తెలుసుకుంటున్న అభిమానులు బన్నీ-చరణ్​తో ఛాన్స్​ కొట్టేసిందిగా అంటూ కామెంట్లు పెడుతున్నారు.

శ్రీలీల లైనప్​.. ప్రస్తుతం శ్రీలీల.. నటిస్తున్న చాలా సినిమాలు సెట్స్‌పైనే ఉన్నాయి. బాలకృష్ణ హీరోగా తెరకెక్కుతున్న 'భగవంత్‌ కేసరి'లో ఓ కీలక పాత్ర పోషిస్తోంది. 'ఉస్తాద్‌ భగత్‌సింగ్‌'లో పవన్‌కల్యాణ్‌కు జోడీగా, మహేశ్‌బాబు హీరోగా రూపొందుతున్న 'గుంటూరు కారం'లో మెయిన్ హీరోయిన్​గా.. రామ్‌ - బోయపాటి, నితిన్‌ - వక్కంతం వంశీ కాంబోలో రానున్న సినిమాల్లోనూ అలాగే వైష్ణవ్‌ తేజ్‌ 'ఆదికేశవ'లో, యంగ్ హీరో నవీన్‌ పొలిశెట్టి నటించనున్న కొత్త చిత్రం, విజయ్​ దేవరకొండ VD 12, అనగనగ ఒక రాజు చిత్రంలోనూ శ్రీలీలే కథానాయిక. ఇంకా పలు చిత్రాలు చర్చల దశలో ఉన్నాయి.

ఇదీ చూడండి :