పాన్‌ ఇండియా మూవీగా బాక్సాఫీస్‌ వద్ద రికార్డులను తిరగరాస్తోంది 'కేజీఎఫ్2'. ఇప్పటికే రూ.1000కోట్ల కలెక్షన్లు దాటి 'ఆర్ఆర్ఆర్‌'ను దాదాపు బీట్‌ చేసేసింది. సినిమా విడుదలై నెల రోజులు అయినా ఇప్పటికీ బాలీవుడ్‌లో రాఖీభాయ్‌కు ఏమాత్రం క్రేజ్‌ తగ్గలేదు. ఈ క్రమంలో 'కేజీఎఫ్' అభిమానులకు మరో తీపి కబురు. ఈ ఏడాదిలోనే ‘కేజీఎఫ్3’ షూటింగ్ మొదలు పెట్టనున్నట్లు నిర్మాత విజయ్‌ కిరంగదూర్‌ తెలిపారు. 'మార్వెల్‌ యూనివర్స్‌' తరహాలో 'కేజీఎఫ్3ని ప్లాన్‌ చేస్తున్నట్లు చెప్పారు. తాజాగా ఓ ఆంగ్ల పత్రికకు ఇచ్చిన ఇంటర్వ్యూలో అనేక ఆసక్తికర విషయాలు పంచుకున్నారు.
"ప్రస్తుతం దర్శకుడు ప్రశాంత్ నీల్‌ 'సలార్‌' ప్రాజెక్టులో బిజీగా ఉన్నారు. దాదాపు 30-35శాతం షూటింగ్ పూర్తయింది. వచ్చే వారం మొదలయ్యే తర్వాతి షెడ్యూల్‌లో సింహభాగం షూటింగ్ పూర్తి చేస్తాం. అక్టోబరు లేదా నవంబరు నాటికి సినిమా పూర్తవుతుంది. ఈ క్రమంలో ‘కేజీఎఫ్3’ను అక్టోబరు నుంచి మొదలు పెట్టాలని ప్రణాళిక సిద్ధం చేస్తున్నాం. ప్రీప్రొడక్షన్‌ వర్క్‌, షూటింగ్ ఇలా మొత్తం పూర్తవడానికి ఏడాది పైనే పడుతుంది. 2024లో ‘కేజీఎఫ్3’ ని విడుదల చేయాలని భావిస్తున్నాం" అని విజయ్‌ కిరంగదూర్‌ తెలిపారు.
" 'కేజీఎఫ్3'ను మార్వెల్‌ యూనివర్స్‌ తరహాలో డిజైన్‌ చేసుకున్నాం. అంటే వివిధ చిత్రాల్లోని హీరోలు ఇందులో భాగస్వాములు అవుతారు. అంటే డాక్టర్‌ స్ట్రేంజ్‌, స్పైడర్‌ మ్యాన్‌ ఇలా ఆ పాత్రలన్నీ ఒక సినిమాలో కలిసినట్లే ఇందులోనూ వేర్వేరు సినిమాల్లో ఉన్న హీరోలు కలుస్తారు. దాని వల్ల మేము ప్రేక్షకులను చేరే పరిధి మరింత విస్తృతమవుతుంది" అని చెప్పుకొచ్చారు.
- " class="align-text-top noRightClick twitterSection" data="
">
Salmankhan new look and movie: సల్మాన్ ఖాన్ కథానాయకుడిగా నటిస్తున్న తాజా సినిమా 'కభీ ఈద్ కభీ దివాలీ'. ఫర్హాద్ సామ్‌జి దర్శకత్వం వహిస్తున్నారు. ఇందులో పూజా హెగ్డే కథానాయిక. ప్రస్తుతం షూటింగ్ ప్రారంభమైంది. ఈ విషయాన్ని తెలిపిన సల్మాన్.. ఓ పోస్టర్ను విడుదుల చేశారు. అయితే ఈ విషయం కన్నా ఆయన పోస్ట్ చేసిన ఫొటో అభిమానులను విపరీతంగా ఆక్టటుకుంది. ఎందుకంటే ఇందులో సల్మాన్ కొత్త లుక్లో కనిపించారు. పొడవాటి జుట్టు... బ్లాక్ కోటు... కళ్ళజోడు... సల్మాన్ ముఖం పూర్తిగా కనబడలేదు. కానీ, ఆయన కొత్త లుక్లో కనిపించబోతున్నారనేది మాత్రం అర్థం అయ్యింది. యాక్షన్ సీక్వెన్స్ షూటింగ్ చేస్తున్నప్పుడు తీసిన స్టిల్ అని తెలుస్తోంది.
ఇదీ చూడండి:
ఒకే సినిమాతో షారుక్, బిగ్బీ, శ్రీదేవీ వారసులు ఎంట్రీ.. టీజర్ రిలీజ్
అందాల నటి, ఎంపీ 'నుస్రత్ జహాన్' ప్రేమ కథలో ఎన్ని ట్విస్టులో..
