Varun tej gandeevadhari arjuna : మెగా హీరో వరుణ్ తేజ్.. ప్రస్తుతం ప్రవీణ్ సత్తారు డైరెక్షన్లో 'గాండీవధారి అర్జున' అనే స్పై యాక్షన్ థ్రిల్లర్ సినిమా చేస్తున్న సంగతి తెలిసిందే. 1960ల కాలం నాటి పీరియడ్ బ్యాక్‌డ్రాప్‌లో.. అప్పటి వాతావరణాన్ని క్రియేట్ చేస్తూ సినిమాను ఎంతో జాగ్రత్తగా తీర్చిదిద్దుతున్నారు. అదనపు జాగ్రత్తలు కూడా తీసుకుంటూ ప్రతి షెడ్యూల్ను చిత్రీకరిస్తున్నారు.
రీసెంట్గానే యూఎస్ఏలో ఓ కీలకమైన యాక్షన్ సీక్వెన్స్ షెడ్యూల్ను పూర్తి చేశారట. చిత్రంలోని కీలక పాత్రలపై ఈ ఇంపార్టెంట్ షెడ్యూల్ను షూట్ చేశారట. ఈ చిత్రంలో ఓ వింటేజ్ కార్ను కూడా స్పెషల్గా వినియోగించారని తెలిసింది. ఆ కారు కూడా ఓ కీలక పాత్రను పోషించిందని దర్శకుడు ప్రవీణ్ సత్తారు తెలిపారు.
అది 1969 కాలం నాటి ముస్టంగ్ మెక్ 1 మోడల్. చాలా రీసెర్చ్ చేసి చివరగా ఈ కారును ఫైనలైజ్ చేశారట ప్రవీణ్. ఆ వింటేజ్ కారును యూకేలోని ఓ 80ఏళ్ల వృద్ధుడు దగ్గర నుంచి తీసుకున్నట్లు ప్రవీణ్ తెలిపారు. ఆ పెద్దాయన తన కారును టీనేజీలో ఉన్నప్పుడు ఎంతో ప్రేమగా కొనుగోలు చేశారట. అయితే ఈ వింటేజ్ కారు.. సినిమాలోని హీరో పాత్రతో పాటు సమానంగా జర్నీ చేస్తుందని, దాని పాత్రకు ఎంతో ప్రాముఖ్యత ఉందని కూడా చెప్పుకొచ్చారు ప్రవీణ్ తెలిపారు. ముఖ్యంగా హీరో క్యారెక్టర్ను బాగా ఎలివేట్ కూడా చేస్తుందని అన్నారు. ఆ కారులో లేటెస్ట్ ఇంజిన్ను అమర్చడంతో పాటు ఎన్నో కీలక మోడిఫికెషన్స్ చేసి తీర్చిదిద్దినట్లు చెప్పారు. మొత్తంగా ఆ కారును తాము అనుకున్న విధంగా రీమోడల్ చేయడానికి దాదాపు నెల రోజుల సమయం పట్టిందని తెలిపారు.
Gandeevadhari arjuna movie cast : ఈ సినిమాను శ్రీ వెంకటేశ్వర సినీ చిత్ర బ్యానర్లో బీవీఎస్‌ఎన్‌ ప్రసాద్‌ నిర్మిస్తున్నారు. సాక్షి వైద్య కథనాయికగా కనిపించనున్నారు. యాక్షన్ థ్రిల్లర్గా సినిమా రూపొందుతోంది. వరుణ్ సెక్యురిటీ ఎక్స్‌పర్ట్‌గా కనిపించనున్నారని తెలిసింది. మిక్కీ జె.మేయర్‌ స్వరాలు సమకూరుస్తున్నారు.
ఇదీ చూడండి :
వరుణ్ - లావణ్య పెళ్లి.. ముహూర్తం ఫిక్స్... ఆ నెలలోనే !
వరుణ్- లావణ్య లవ్‌స్టోరీని ఎప్పుడో పసిగట్టిన అల్లు అరవింద్!.. ప్రేమ పుట్టిన చోటే పెళ్లి?
