Chatrapathi 2023 Movie : టాలీవుడ్ స్టార్ బెల్లంకొండ సాయి శ్రీనివాస్ ఛత్రపతి హిందీ రీమేక్తో బాలీవుడ్లోకి ఎంట్రీ ఇచ్చారు. ఇప్పటి దాకే తెలుగు ఇండస్ట్రీకే పరిమితమైన ఈ స్టార్.. తొలి సారిగా తన అదృష్టాన్ని పరీక్షించుకునేందుకు హిందీ సినిమాలో మెరిశారు. మే 12న ఈ చిత్రం థియేటర్లలో రిలీజైంది. తెలుగులో సూపర్ హిట్ అయిన సినిమాతో అక్కడ హిట్ కొడుదామని ఆశించారు. అయితే ఆయనకు నిరాశే మిగిలింది!
ఇండియా మొత్తం కలిపి ఈ సినిమాకు ఫస్ట్ డే కేవలం రూ.60 లక్షలు మాత్రమే కలెక్షన్స్ వచ్చినట్లు సమచారం. ఓవర్సీస్‌లో రూ.10 లక్షల మేర వసూళ్లు చేసిందని అంచనా. మొత్తం కలిపి తొలి రోజు ఈ సినిమా రూ.70 లక్షలు మాత్రమే వసూలు చేసిందట. దీంతో ఈ మూవీ యూనిట్కు గట్టి షాకే తగిలినట్టైంది! నిజానికి బాలీవుడ్లో బెల్లంకొండ నటించిన డబ్బింగ్ సినిమాలకు విపరీతమైన క్రేజ్ ఉంది. ఆ కారణంతోనే అక్కడ స్ట్రైట్ మూవీ తీద్దామని అనుకున్నారు. కానీ అనుకున్నది జరగలేదు. అయితే తొలి రోజు కలెక్షన్లతో సినిమా రిజల్ట్పై ఓ అభిప్రాయానికి రాలేదమని మరికొందరు అంటున్నారు.
మాస్ ఆడియెన్స్కు విపరీతపంగా కనెక్ట్ అయిన బెల్లంకొండకు సౌత్తో పాటు నార్త్లోనూ మంచి ఫ్యాన్ ఫాలోయింగ్ ఉంది. ఆయన నటించిన 'జయ జానకీ నాయక', 'సీత', 'అల్లుడు శీను', 'సాక్ష్యం' లాంటి సినిమాలన్నీ యూట్యూబ్లో రికార్డు స్థాయిలో వ్యూస్ సంపాదించాయి. తన యాక్షన్ మూవీస్తో టాలీవుడ్ను షేక్ చేసిన వీవీ వినాయక్ ఈ సినిమాకు దర్శకత్వం వహించడం కూడా ప్లస్ పాయింట్ అవుతుందని అనుకున్నారు. కానీ అనుకున్నవేమి జరగలేదు. ఇదే ధీమాతో ఈ హిందీ రీమేక్పై కొండంత ఆశలు పెట్టుకున్నారు.
రాజమౌళి తెరకెక్కించిన 'ఛత్రపతి'.. డార్లింగ్ ప్రభాస్కు బ్రేక్ ఇచ్చిన సినిమాల్లో ఒకటి. ప్రభాస్ ఈ సినిమాతో అటు క్లాస్ ఆడియెన్స్తో పాటు ఇటు మాస్ ఆడియెన్స్లో మంచి క్రేజ్ సంపాదించుకున్నారు. ఇక ఇందులోని యాక్షన్ సీన్స్ గూస్బంప్స్ తెప్పిస్తే.. సెంటిమెంట్ సీన్స్ అభిమానుల చేత కంటతడి పెట్టిస్తుంది. అంతే కాకుండా భానుప్రియ, అజయ్, ఛత్రపతి శేఖర్ తమ క్యారెక్టర్లలో లీనమైపోయి నటించారు. విలన్గా నటించిన ప్రదీప్ రావత్ బాగా సెట్ అయ్యారు. దీంతో తెలుగు ఛత్రపతి బాక్సాఫీస్ వద్ద సెన్సేషన్ క్రియేట్ చేసింది. అయితే హిందీ రీమేక్లో మాత్రం ఈ మధర్ సెంటిమెంట్, ప్రదీప్ రావత్ విలనింజం ఎలిమెంట్స్ ఏవీ బాగా పండలేదని అభిప్రాయపడుతున్నారు. యాక్షన్స్ సీన్స్ బాగా తెరకెక్కించినప్పటికీ చెప్పుకోదగ్గ సీన్స్ ఏవీ లేవని అంటున్నారు.
- " class="align-text-top noRightClick twitterSection" data="">
