Star Actress Childhood Photo Story : సినిమా హీరోయిన్ అంటే.. స్కిన్ షో చేయాల్సిందే అన్నది మెజారిటీ అభిప్రాయం. అందులో కొంత వాస్తవం కూడా లేకపోలేదు. కానీ.. ఎలాంటి ఎక్స్పోజింగ్ చేయకుండానే.. స్టార్ హీరోయిన్లుగా ఎదిగిన వారు కూడా ఉన్నారు. అలాంటి వారి చర్చరాగానే.. సావిత్రి(Actress Savitri), సౌందర్య(Actress Soundarya) వంటి తారలు మదిలో మెదులుతారు. ఈ జాబితాలో.. మరో భామ కూడా చేరుతుంది. ఆమె మరెవరోకాదు.. తెలుగుతోపాటు సౌత్లో స్టార్ హీరోయిన్గా గుర్తింపు తెచ్చుకున్న స్నేహ.
Actress Sneha Childhood Photo News : పై ఫొటోలో.. చూడ చక్కగా కనిపిస్తున్న ఆ చిన్నారి మరెవరో కాదు.. స్టార్ యాక్ట్రెస్ స్నేహ. ఈ నటి గురించి తెలుగు ప్రేక్షకులకు ప్రత్యేకంగా పరిచయం అవసరం లేదు. తెలుగులో గోపించంద్ నటించిన 'తొలివలపు' సినిమాతో టాలీవుడ్లో అడుగుపెట్టింది. అయితే.. ఈ మూవీ పెద్దగా ఆకట్టుకోలేదు. కానీ.. రెండో చిత్రంలో హీరో తరుణ్(Actor Tharun)కు జోడిగా 'ప్రియమైన నీకు' సినిమాలో నటించింది. ఈ మూవీ అప్పట్లో యూత్ను తెగ ఆకట్టుకుంది. బ్లాక్ బస్టర్ హిట్ కొట్టింది. అప్పట్నుంచి స్నేహ వెనక్కి తిరిగి చూసుకోవాల్సిన అవసరం రాలేదు.
ఆ హీరోయిన్ నవ్వుకు స్టేట్ అవార్డు
ఎక్కువగా క్లాస్ సినిమాల్లో మాత్రమే స్నేహ నటించింది. ఫ్యామిలీ, లవ్ వంటి కథలను ఎంచుకొని మంచి నటిగా గుర్తింపు తెచ్చుకుంది. అగ్ర హీరోల సరసన నటించి సౌత్లో స్టార్ హీరోయిన్గా నిలిచింది. హనుమాన్ జంక్షన్’, ‘శ్రీ రామదాసు’, ‘సంక్రాంతి’, ‘రాధా గోపాలం’, ‘వెంకీ’ లాంటి పలు చిత్రాలు ఆమెకు మంచి పేరు తెచ్చిపెట్టాయి.
తెలుగు అమ్మాయే..!
Actress Sneha Childhood Photo Viral in Social Media : నటి స్నేహ తెలుగు మూలాలు ఉన్న అమ్మాయి. ఆమె పూర్వీకులు ఏపీలోని రాజమండ్రిలో నివసించారు. ఆ తర్వాత.. ఆమె తల్లిదండ్రులు రాజారామ్, పద్మావతి.. ముంబాయికి వెళ్లారు. హీరోయిన్ స్నేహ అక్కడే జన్మించారు. మలయాళ దర్శకుడు పాజిల్ చొరవతో స్నేహ సినీరంగంలోకి అడుగుపెట్టారు. ఆమె ఫస్ట్ మూవీ 'ఓరు నీల పక్షి'. ఆ తర్వాత సౌత్ మొత్తం విస్తరించారు.
వన్నె తగ్గని అందం.. స్నేహా సొంతం
Actress Sneha Prasanna Latest News : చాలా కాలం పాటు స్టార్ స్టేటస్ కొనసాగించిన స్నేహ.. ఈ క్రమంలోనే తమిళ డైరెక్టర్ ప్రసన్నతో లవ్లో పడ్డారు. వీరిద్దరూ 2012లో వివాహం చేసుకున్నారు. వీరికి ఇద్దరు పిల్లలు. పెళ్లయిన తర్వాత కొంత కాలంపాటు సినిమాలకు దూరంగా ఉన్నారు. ఆ తర్వాత.. సన్నాఫ్ సత్యమూర్తి(Son of Satyamurthy) , వినయవిధేయ రామ వంటి చిత్రాల్లో కనిపించారు. ప్రస్తుతం స్నేహ పలు ప్రకటనల్లో నటిస్తున్నారు.
'చంద్రముఖి'గా స్నేహ చేయాల్సింది.. కానీ!
Samantha: హీరోయిన్ సమంతకు గుడి కడుతున్న అభిమాని.. ఎక్కడంటే..?
