Shahrukh Khan Dunki Trailer : బాలీవుడ్ బాద్షా షారుక్ ఖాన్, తాప్సీ, విక్కీ కౌశల్ లీడ్ రోల్స్లో రూపొందిన తాజా మూవీ 'డంకీ'. త్రీ ఇడియెట్స్ డైరెక్టర్ రాజ్కుమార్ హిరాణీ తెరకెక్కించిన ఈ మూవీ డిసెంబర్ 21న ప్రేక్షకుల ముందుకు రానుంది. ఈ నేపథ్యంలో మూవీ మేకర్స్ తాజాగా ఈ సినిమాకు సంబంధించిన ట్రైలర్ను విడుదల చేశారు. సుమారు మూడు నిమిషాల నిడివిగల ఆ ట్రైలర్ మూవీ లవర్స్ను తెగ ఆకట్టుకుంటోంది. కడుపుబ్బా నవ్వించింది. కొన్ని సీన్స్ భావోద్వేగానికి గురి చేసింది. షారుక్ ఖాన్ వాయిస్ ఓవర్తో వచ్చిన ఈ వీడియో ఇప్పుడు సోషల్ మీడియాలో ట్రెండ్ అవుతోంది.
'జవాన్' లాగే ఈ సినిమాలోనూ
1995 బ్యాక్ డ్రాప్తో ఈ సినిమా తెరకెక్కనుంది. లాల్టు అనే ఊరికి షారుక్ ఎంట్రీ ఇవ్వడం నుంచి అసలు కథ మొదలవుతుంది. ఆ ఊరిలో ఉండే నలుగురు స్నేహితులు ఎలాగైనా లండన్ వెళ్ళాలని అనుకుంటారు. దాని కోసం ఇంగ్లీష్ కోచింగ్ క్లాస్ కూడా జాయిన్ అవుతారు. వీరితో పాటు రెజ్లర్ అయిన షారుక్ కూడా జాయిన్ అవుతారు, అయితే అధికారికంగా వెళ్లాలంటే ఇంగ్లీష్ రావాలని వారికి అర్ధమవుతుంది. కానీ ట్రై చేసినా వీసా ఇంటర్వ్యూలో ఫెయిల్ అవుతారు. దీంతో ఎలాగైనా లండన్ వెళ్లాలనుకున్న ఆ ఐదుగురు ఒక ప్లాన్ వేస్తారు. అలా అక్రమంగా దేశాలను దాటూతూ లండన్ ఎలా వెళ్తారు. అయితే వాళ్లు అలా వెళ్లగలిగారు? ఈ క్రమంలో వారు ఎదుర్కొన్న సమస్యలు ఏంటి అనేది మిగతా స్టోరీగా ఉండనున్నట్లు ట్రైలర్ ద్వారా తెలుస్తోంది. అయితే ఇందులో కామెడీతో పాటు ఎమోషనల్ సీన్స్ ఉన్నాయి. ఇక జవాన్ లాగే ఈ సినిమాలోనూ షారుక్ వివిధ లుక్స్లో కనిపించనున్నారు.
- " class="align-text-top noRightClick twitterSection" data="">
Dunki Movie Cast : ఇక ఈ సినిమాలో షారుక్ సరసన తాప్సీ నటిస్తున్నారు. అనిల్ గ్రోవర్, బోమన్ ఇరానీ, విక్కీ కౌశల్, కీలక పాత్రలు పోషించారు. 'మున్నాభాయ్ ఎం.బీ.బీ.ఎస్', 'లగేరహో మున్నాభాయ్', 'త్రీ ఇడియట్స్', 'పీకే', 'సంజూ' వంటి బ్లాక్ బస్టర్ చిత్రాలను తెరకెక్కించిన రాజ్కుమార్ హిరానీ ఈ సినిమాతో మరో బ్లాక్ బస్టర్ అందుకుంటారని ఫ్యాన్స్ అభిప్రాయపడుతున్నారు.
