సంక్రాంతి 'వీర' డైరెక్టర్‌ల కొత్త ప్రాజెక్ట్స్​.. బాలయ్య-రజనీతో.. రవితేజ-ప్రభాస్​తో!

ఈ ఏడాది సంక్రాంతికి 'వీర' చిత్రాలతో సూపర్ హిట్​ కొట్టిన దర్శకులు గోపిచంద్ మలినేని, బాబీ.. ఇప్పటి వరకు తమ కొత్త ప్రాజెక్ట్స్​ గురించి అనౌన్స్ చేయలేదు. అయితే ఇప్పుడు వీరిద్దరి కొత్త సినిమాలు దాదాపు ఖరారు అయ్యాయని తెలిసింది. త్వరలోనే అధికార ప్రకటన రానున్నాయట. ఆ వివరాలు..

Sankranti 2023 telugu movies : టాలీవుడ్​ స్టార్​ హీరో నందమూరి బాలకృష్ణ కెరీర్‌లోనే అత్యధిక వసూళ్లు సాధించిన సినిమాగా నిలిచింది 'వీరసింహారెడ్డి'. మరోవైపు కమ్ బ్యాక్ తర్వాత ఇండస్ట్రీ హిట్ కోసం ఎదురుచూసిన మెగాస్టార్ చిరంజీవికి.. 'వాల్తేరు వీరయ్య'తో అది దక్కింది. అలా ఈ ఏడాది సంక్రాంతి బరిలో ఒకరోజు గ్యాప్​లో బరిలోకి దిగి మంచి హిట్లను అందుకున్నారు ఈ స్టార్ హీరోలు. అయితే ఇదంతా జరిగి దాదాపు ఐదు నెలలు దాటేసింది. ఇప్పుడు ఈ ఇద్దరు అగ్రహీరోలు తమ కొత్త ప్రాజెక్ట్​లపై దృష్టి కూడా పెట్టేశారు. చిరు.. మెహర్​ రమేశ్​తో 'భోళాశంకర్'​, బాలకృష్ణ.. అనిల్​ రావిపూడితో 'NBK 108' చేస్తున్నారు. మరిన్ని కొత్త ప్రాజెక్ట్​లో కోసం చర్చలు జరపుతున్నారు.

అయితే సంక్రాంతి 'వీర' డైరెక్టర్లు.. గోపీచంద్ మలినేని, బాబీ మాత్రం ఇంకా తమ కొత్త ప్రాజెక్ట్​ల గురించి అనౌన్స్ చెయ్యలేదు. టాప్ హీరోలతోనే వర్క్ చేయాలని భావించి కథలు రాసుకుని.. అప్పటినుంచి వారితోనే డిస్కషన్స్​ జరుపుతూ వస్తున్నారు. కానీ బడా హీరోలందరు మాత్రం పలు ప్రాజెక్ట్స్‌తో ప్రస్తుతం బిజీగా ఉండటంతో.. ఈ ఇద్దరు దర్శకులు వారి తదుపరి ప్రాజెక్ట్‌లను డిలే చేస్తూ వచ్చారు. అయితే ఇప్పుడు ఎట్టకేలకు వీరిద్దరి ప్రాజెక్ట్​లు ఖాయమైనట్లు తెలిసింది. వారు చేయబోయే సినిమాలపై దాదాపుగా ఓ క్లారిటీ వచ్చింది.

Director Bobby upcoming movie : అదేంటంటే.. దర్శకుడు బాబీ.. సూపర్ స్టార్ రజనీకాంత్​కు కథ చెప్పి ఒప్పించారట. అయితే ప్రస్తుతం 'జైలర్' సినిమా చేస్తున్న రజనీకాంత్​.. ఆ తర్వాత తన మిగిలిన ప్రాజెక్ట్స్​తో పాటు బాబీ సినిమాను పట్టాలెక్కిస్తారట. ఇదంతా జరిగే సరికి కాస్త ఆలస్యం అవ్వనుంది. అందుకే ఇదంతా జరిగేలోపు డైరెక్టర్​ బాబీ.. మరో కథ సిద్ధం చేసి నందమూరి బాలకృష్ణతో(director bobby balakrishna movie) ఓ మూవీ చేసేందుకు సైన్ చేశారట. సితార ఎంటర్​టైన్మెంట్స్​ బ్యానర్​ ఈ ప్రాజెక్ట్​ను నిర్మించనుందట.

Gopichand Malineni upcoming movie : ఇకపోతే మరోవైపు గోపిచంద్ మలినేని.. కూడా పాన్ ఇండియా స్టార్ ప్రభాస్​ను ఒప్పించి సినిమాను ఓకే చేయించుకున్నారట(gopichand malineni prabhas movie). కానీ డార్లింగ్ ఇప్పటికే పలు చిత్రాల కాల్​షీట్స్​తో​ ఫుల్​ బిజీగా ఉండటంతో ఇది కూడా ఆలస్యంగానే సెట్స్​పైకి వెళ్లనుందట. అందుకే ఈ లోగా.. గోపిచంద్​ కూడా తనకు హ్యాట్రిక్​ ​ హిట్లను అందించిన మాస్ మహారాజ్​ రవితేజ కోసం మరో కథను సిద్ధం చేశారు. ఈ కాంబో దాదాపు ఖరారు అయిపోయిందని తెలిసింది. మైత్రి మూవీ మేకర్స్​ బ్యానర్​లోని ఇది తెరకెక్కనుందట. త్వరలోనే ఈ రెండు సినిమాల గురించి అధికార ప్రకటనలు రానున్నాయి. ఇవి పూర్తవ్వగానే రజనీ, ప్రభాస్​ సెట్స్​పైకి వెళ్లనున్నాయి.

ఇదీ చూడండి :