స్టార్ హీరోయిన్ సమంత కెరీర్‌ జోరుగా సాగుతోంది. ఓ పక్క సినిమాలు..మరో పక్క వెబ్ సిరీస్‌లతో తీరిక లేకుండా గడుపుతోంది. 'ఫ్యామిలీ మ్యాన్‌ 2' వెబ్‌సిరీస్‌తో దేశవ్యాప్తంగా గుర్తింపుతెచ్చుకున్న ఈ భామ తాజాగా 'సిటాడెల్‌ ఇండియా' వెబ్ సిరీస్‌లో నటిస్తున్న సంగతి తెలిసిందే. ఇందులోని పాత్ర కోసం సమంత ప్రత్యేకంగా సిద్ధమవుతోంది. హిందీ భాషలోని యాస కోసం ప్రత్యేకంగా శిక్షణ తీసుకుంటోంది.
తాజా సమాచారం ప్రకారం ఈ సిరీస్ 1990ల నేపథ్యంలో సాగుతోందని తెలుస్తోంది. ఈ సిరీస్ చిత్రీకరణ కోసం చిత్రబృందం ప్రత్యేక నవంబరు తొలివారంలో వర్క్‌షాప్‌లు నిర్వహించడానికి ఏర్పాట్లు చేస్తోంది. నవంబరు చివర్లో కానీ డిసెంబరు తొలివారంలో కానీ చిత్రీకరణ ప్రారంభించనున్నారు. రుస్సో బ్రదర్స్‌ నిర్మిస్తున్న ఈ సిరీస్ వివిధ దేశాల్లో, వివిధ భాషల్లో రూపొందనుంది. సిటాడెల్‌ మాతృకలో ప్రియాంక చోప్రా, రిచర్డ్‌ మేడెన్‌ నటిస్తున్నారు. వరుణ్‌ధావన్‌ కీలక పాత్రలో నటిస్తున్న 'సిటాడెల్‌ ఇండియా'కు రాజ్‌, డీకే దర్శకత్వం వహిస్తున్నారు.
ఇవీ చదవండి: సూపర్ 'జోడీలు' ఫిక్స్.. సినిమాల కోసం ఫ్యాన్స్ వెయిటింగ్!
వెట్రిమారన్‌, కమల్‌ వ్యాఖ్యలపై తీవ్ర దుమారం.. భాజపా నేతలు ఫైర్!
