టాలీవుడ్తో పాటు ఇప్పుడు బాలీవుడ్లోనూ క్రేజీ హీరోయిన్గా మారిపోయారు స్టార్ హీరోయిన్ సమంత. ఇప్పటికే దక్షిణాదిలో అగ్రకథానాయికగా ఉన్న సామ్.. 'ఫ్యామిలీ మేన్ 2' వెబ్సిరీస్, నాగచైతన్యతో విడాకుల వంటి కారణాలతో కొంతకాలంగా ట్రెండింగ్లో ఉంది. ఇక ఐకాన్ స్టార్ అల్లుఅర్జున్తో 'పుష్ప'లో 'ఊ అంటవా మావా..' పాటతో మరింత సంచలనంగా మారింది. ఈ పాటతోనే బాలీవుడ్లోనూ యమా క్రేజ్ సంపాదించుకుంది సామ్. తాజా సమాచారం ప్రకారం ఆమెకు మరో ప్రత్యేక గీతంలో నటించేందుకు ఆఫర్ వచ్చినట్లు తెలుస్తోంది.
'అర్జున్ రెడ్డి' ఫేమ్ సందీప్ వంగ దర్శకత్వంలో బాలీవుడ్ స్టార్ హీరో రణ్బీర్ కపూర్ నటిస్తున్న చిత్రం 'యానిమల్'. ఈ సినిమాలోనే ఓ ప్రత్యేక గీతాన్ని ప్లాన్ చేస్తున్నారట సందీప్. ఈ పాటలో నటించేందుకు సమంతను తీసుకోవాలని భావిస్తున్నారట. మరి ఈ సాంగ్ చేయడానికి సమంత ఒప్పుకుంటుందో లేదో!
మనుషుల్లో మారుతున్న స్వభావాల చుట్టూ సాగే కథే 'యానిమల్'. మనిషి జంతువులా మారితే? అనే ఈ కోణంలో సాగనుంది. ఈ సినిమాలో రష్మిక కథానాయికగా నటించనుంది. ఈ సినిమాకు సిద్ధార్థ్ గరిమ మాటలు సమకూర్చగా హర్షవర్ధన్‌ రామేశ్వర్‌ సంగీతాన్ని అందిస్తున్నారు. టీ సిరీస్ భూషణ్‌ కుమార్‌, భద్రకాళీ పిక్చర్స్‌, సినీ స్టూడియోస్‌ వన్‌ సంయుక్తంగా ఈ చిత్రాన్ని నిర్మిస్తున్నాయి.
ఇదీ చూడండి: ఆ అనుభవం ఎలా ఉంటుందో చూపించారు: అవికా గోర్
