Oo Antava song: మరోసారి రెచ్చిపోయిన సామ్.. ఆ స్టార్ హీరోతో చిందులు

Samantha Akshay kumar Oo antava song: దేశవ్యాప్తంగా ఊర్రూతలూగించిన 'ఊ అంటావా మావ' సాంగ్కు మరోసారి చిందులేసి అభిమానుల్ని అలరించింది హీరోయిన్ సమంత. బాలీవుడ్ స్టార్ అక్షయ్కుమార్తో కలిసి ఈ పాటకు చిందులేసింది.

సమంత అక్షయ్ కుమార్

Published : Jul 20, 2022, 5:19 PM IST

Samantha Akshay kumar Oo antava song: 'ఊ అంటావా మావ' సాంగ్.. దేశవ్యాప్తంగా ఎంతలా ఉర్రూతలూగించిందో ప్రత్యేకంగా చెప్పనక్కర్లేదు. ఎక్కడ చూసిన ఇదే పాట వినపడింది. సోషల్మీడియాలోనూ రికార్డులు సాధించింది. ఇక ఈ గీతంతో సమంత క్రేజ్.. యూత్లో అమాంతం పెరిగిపోయింది. అయితే తాజాగా ఈ పాటకు మరోసారి చిందులేసి అభిమానుల్ని అలరించింది సామ్.

తాజాగా కాఫీ విత్ కరణ్షోలో బాలీవుడ్ స్టార్ అక్షయ్కుమార్తో కలిసి సందడి చేసిన ఈ సామ్ 'ఊ అంటావా మావ' అంటూ మరోసారి చిందులతో రెచ్చిపోయింది. అక్షయ్తో కలిసి ఈ సాంగ్కు డ్యాన్స్ వేసింది. దీనికి సంబంధించిన క్లిప్ను డిస్నీప్లస్ హాట్స్టార్ పోస్ట్ చేసింది. ప్రస్తుతం ఇది ఫ్యాన్స్ను బాగా ఆకట్టుకుంటోంది. కాగా, ఈ కార్యక్రమం.. గురువారం(జులై 21) రాత్రి 7 గంటలకు డిస్నీ ప్లస్ హాట్స్టార్లో ప్రసారం కానుంది. ఇప్పటికే విడుదలై ఈ ఎపిసోడ్కు సంబంధించిన ప్రోమో అభిమానుల్లో ఆసక్తిని పెంచేసింది. ఇందులో సామ్ను అక్షయ్ ఎత్తుకుని ఎంట్రీ ఇవ్వడం, సమంత తన పెళ్లి గురించి మాట్లాడటం వంటివి చూపించారు.