Salaar Postpone News : ఇండస్ట్రీలో కొనసాగుతున్న బిగ్ టెన్షన్​​.. సలార్​ సెప్టెంబర్ 28పై ఆ సినిమాల గురి!

Salaar Postpone News : సలార్​ పోస్ట్​పోన్ ప్రచారంతో ఇండస్ట్రీలో ఇతర సినిమా రిలీజ్​ డేట్స్​పై గందరగోళ పరిస్థితి ఏర్పడింది. ఇప్పటికే షెడ్యూల్‌ ఫిక్స్‌ చేసుకున్న అనేక సినిమాలు తమ విడుదల తేదీని మార్చుకోక తప్పట్లేదు. ఆ వివరాలు..

Salaar Postpone News : ప్రస్తుతం పాన్ ఇండియా ఫిల్మ్​ ఇండస్ట్రీలో రిలీజ్ డేట్స్​పై గందరగోళ పరిస్థితి ఏర్పడింది​. మరీ ముఖ్యంగా తెలుగు చిలన సీమలో ఇది మరింత ఎక్కువ కనపడుతోంది. దర్శకనిర్మాతలంతా తమ సినిమాల రిలీడ్ డేట్స్​ విషయంలో తర్జనభర్జన పడుతున్నారు. వీటన్నింటికీ కారణం ఒకే ఒక్క చిత్రం. అదే పాన్ ఇండియా యాక్షన్ ఎంటర్​టైనర్​ 'సలార్​'. 'సింపుల్‌ ఇంగ్లీష్‌..' అంటూ ప్రభాస్​ను డైనోసార్​తో పోల్చి.. భారీ అంచనాలతో ఊరించి ఊరించి... చివరికి పోస్ట్​ పోన్​ ప్రచారం అంటూ ఒక్కసారిగా పాన్ ఇండియా ఇండస్ట్రీ మొత్తాన్ని షాక్​కు గురి చేసి షేక్ చేసేసింది. దీంతో ఇతర దర్శకనిర్మాతల డైలామలోకి వెళ్లిపోయారు.

అసలీ చిత్రం సెప్టెంబర్ 28న రావాల్సి ఉంది. దీంతో ఇతర సినిమాలన్నీ ఆ సమయానికి ముందు వెనక దసరా, దీపావళి, సంక్రాంతి అంటూ అన్నీ సీజన్​లను లాక్ చేసుకున్నాయి. కానీ ఇప్పుడు సలార్​ వాయిదా ప్రచార వార్తతో వీటి అంచనాలన్నీ ఒక్కసారిగా తారుమారైపోయాయి. దీపావళికి సల్మాన్‌ 'టైగర్‌3', తమిళంలో 'అయలాన్‌', 'జపాన్‌', 'జిగర్తాండ 2'తో పాటు ఇంకా పలు చిత్రాల విడుదల ప్రశ్నార్థకంగా మారింది. సలార్ కొత్త రిలీజ్ డేట్ బాంబ్​.. ఎక్కడ వచ్చి తమ సినిమాల రిలీజ్​పై పడుతుందా అని ఇతర దర్శకనిర్మాతలు టెన్షన్ పడుతున్నారు.

అయితే ఇదే సమయంలో మరి కొంతమంది దర్శకనిర్మాతలు అలర్ట్​ అయిపోయారు. ముందుగా అనుకున్న 'సలార్'​ రిలీజ్ డేట్ సెప్టెంబర్​ 28 సమయానికి రిలీజ్ చేయాలని కాచుకుని కూర్చున్నారు. తాజాగా యంగ్ హీరో కిరణ్​ అబ్బవరం 'రూల్స్​ రంజన్'(Rules ranjan release date) చిత్రాన్ని​ సెప్టెంబర్​ 28న రానున్నట్లు అధికార ప్రకటన కూడా చేసేశారు. దీంతో సలార్ పోస్ట్​పోన్ పక్కా అని దాదాపుగా కన్ఫామ్ అయిపోయింది. ఇక ఇతర చిత్రాలు కూడా సెప్టెంబర్ 28న రిలీజ్​ అయ్యే దిశగా సాగేందుకు ప్రయత్నిస్తున్నాయి.

• Sep 28th ❤️#RulesRanjann #RulesRanjannonsep28th pic.twitter.com/4MBErNCqqs

  — Kiran Abbavaram (@Kiran_Abbavaram) September 4, 2023 " class="align-text-top noRightClick twitterSection" data="

  Sep 28th ❤️#RulesRanjann #RulesRanjannonsep28th pic.twitter.com/4MBErNCqqs

  — Kiran Abbavaram (@Kiran_Abbavaram) September 4, 2023

  ">

Sep 28th ❤️#RulesRanjann #RulesRanjannonsep28th pic.twitter.com/4MBErNCqqs

— Kiran Abbavaram (@Kiran_Abbavaram) September 4, 2023

రవితేజ టైగర్ నాగేశ్వరరావు(Tiger Nageswarao Release Date), రామ్ పోతినేని స్కంద(Skanda Release Date) కూడా సెప్టెంబర్ 28కే అంటూ ప్రచారం సాగుతోంది. టైగర్ నాగేశ్వరరావు అయితే ఇదే విడుదల తేదీని కన్ఫామ్​ చేసుకున్నట్లు తెలిసింది. అసలీ సినిమా బాలకృష్ణ భగవంత్ కేసరి, దళపతి విజయ్​ లియోతో పాటు అక్టోబర్ 20న రిలీజ్ అవ్వాల్సింది. కానీ ఆ సమయంలో పోటీ కాస్త గట్టిగా ఉండటం వల్ల రిలీజ్​​ డేట్​ను ముందుకు జరపాలని అనుకుంటున్నారు. తాజాగా విడుదలైన​ ఏక్​ దమ్​ సాంగ్ ప్రోమో పోస్టర్​పై కూడా అక్టోబర్​ 20 రిలీజ్ డేట్​ స్టాంప్​ను తొలిగించారు. దీంతో ఈ చిత్రం సెప్టెంబర్​ 28న లేదా 29న రావడం ఖాయమని టాక్ వినిపిస్తోంది.

ఇంకా బోయపాటి-రామ్ సినిమా సెప్టెంబర్ 15న విడుదలకు అవ్వాలి. కానీ ఈ చిత్రాన్ని సెప్టెంబర్​ 28న విడుదల చేసేందుకు సన్నాహాలు చేస్తున్నారట. ఇంకా సితార ఎంటర్​టైన్మెంట్​​ బ్యానర్​లో రూపొందిన మ్యాడ్ చిత్రం సెప్టెంబర్ 28న రాబోతున్నట్లు అనౌన్స్ మెంట్ వచ్చింది. అలా మొత్తంగా ఒక్క సలార్​ రిలీజ్ వాయిదా వార్త.. ఇండస్ట్రీలో రిలీజ్​ డేట్స్​పై గందరగోళ పరిస్థితిని నెలకొల్పింది. ఈ విడుదల తేదీల గోలపై ఓ స్పష్టత రావాలంటే.. ఈ వారం ఆగాల్సిందే..