కళ్లు చెదిరే ధరకు అమ్ముడుపోయిన 'సలార్​' ఓటీటీ రైట్స్​- ఎన్ని కోట్లు అంటే?

Salaar OTT Rights Price : డార్లింగ్​ ప్రభాస్​ తాజాగా నటించిన చిత్రం 'సలార్​'. దీనికి సంబంధించి డిజిటల్​ రైట్స్​ను​ ఓ ప్రముఖ ఓటీటీ ప్లాట్​ఫామ్​ దక్కించుకుందని సమాచారం. ఆ వివరాలు మీ కోసం..

Salaar OTT Rights Price : ప్రశాంత్​ నీల్​ - ప్రభాస్​ కాంబోలో తెరకెక్కుతున్న తాజా చిత్రం 'సలార్​'. భారీ అంచనాల నడుమ ఈ సినిమా ప్రస్తుతం పోస్ట్​ ప్రొడక్షన్​ పనులను పూర్తి చేసుకుంటోంది. అయితే ఈ సినిమాకి సంబంధించి ఏ చిన్న అప్​డేట్​ సోషల్ మీడియాలో​ వచ్చినా.. క్షణాల్లో అది వైరల్​గా మారుతోంది. ఈ క్రమంలో తాజాగా 'సలార్​'కు సంబంధించి ఓటీటీ హక్కుల విషయంలో ఓ వార్త నెట్టింట ట్రెండ్ అవుతోంది. అదేంటంటే.. ప్రముఖ ఓటీటీ ప్లాట్​ఫామ్​ నెట్​ఫ్లిక్స్​ 'సలార్​' ఓటీటీ స్ట్రీమింగ్​ హక్కులను ఏకంగా రూ.160 కోట్లకు దక్కించుకుందట. మూవీ నిర్మాణ సంస్థ హోంబలే ఫిల్మ్స్​.. ఇటీవలే నెట్​ఫ్లిక్స్​తో దీనికి సంబంధించిన డీల్​ను కూడా కుదుర్చుకున్నట్లు తెలుస్తోంది. అయితే ఈ విషయంపై ఇప్పటి వరకు ఎటువంటి అఫీషియల్ అప్​డేట్స్​ రాలేదు.

• #50DaysToSalaarCeaseFire 🔥 pic.twitter.com/J098BAqWAf

  — Salaar (@SalaarTheSaga) November 2, 2023 " class="align-text-top noRightClick twitterSection" data="

  #50DaysToSalaarCeaseFire 🔥 pic.twitter.com/J098BAqWAf

  — Salaar (@SalaarTheSaga) November 2, 2023

  ">

  #50DaysToSalaarCeaseFire 🔥 pic.twitter.com/J098BAqWAf

  — Salaar (@SalaarTheSaga) November 2, 2023

Prabhas Movies List : మరోవైపు 'బాహుబలి 2' విజయం తర్వాత వచ్చిన 'సాహో', 'రాధేశ్యామ్​', 'ఆదిపురుష్​' బాక్సాపీస్​ వద్ద ఆశించిన స్థాయిలో టాక్ అందుకోలేకపోయాయి. దీంతో ఫ్యాన్స్ తీవ్ర నిరాశలో ఉన్నారు. 'సలార్​'పైనే పూర్తి ఆశలు పెట్టుకున్నారు. ఇటీవలే విడుదలైన పోస్టర్​, టీజర్​ కూడా అభిమానుల్లో సినిమాపై భారీ అంచనాలు పెంచుతున్నాయి. దీంతో ఈ సినిమా కోసం అటు ప్రభాస్​ ఫ్యాన్స్​తో పాటు ఉత్తరాది ప్రేక్షకులు కూడా ఎంతో ఈగర్​గా వెయిట్​ చేస్తున్నారు. ఎందుకంటే 'బాహుబలి 2' సినిమాతో ప్రభాస్​ ఆ రేంజ్​లో క్రేజ్​ సంపాదించుకున్నారు.

క్రిస్మస్​ కానుకగా..
ఇండస్ట్రీ వర్గాల్లోనూ 'సలార్​' మూవీపై మంచి హైప్​ క్రియేట్​ చేశారు మేకర్స్​. ఈ కారణంగానే ఈ సినిమాకి ఓటీటీలో ఇంత భారీ బిజినెస్ జరిగిందని ట్రేడ్ పండితులు అంటున్నారు. ఇక ఈసారి ప్రభాస్​ కచ్చితంగా భారీ కమ్​ బ్యాక్​తో వస్తారని ఫ్యాన్స్​ గట్టి నమ్మకంతో ఉన్నారు. ఆ అంచనాలను నిజం చేస్తూ ఈ సినిమా టీజర్​ను కూడా రిలీజ్​ చేశారు మేకర్స్. ఇక త్వరలోనే ట్రైలర్​ కూడా రానుందని సమచారం. వాస్తవానికి ఈ సినిమాను సెప్టెంబర్ 28న రిలీజ్​ చేయాలని భావించినప్పటికీ.. అనివార్య కారణాల వల్ల దాన్ని వాయిదా వేస్తూ వచ్చారు. చివరకు 'సలార్​' క్రిస్మస్​ కానుకగా ఆ ఏడాది డిసెంబర్​ 22న థియేటర్స్​లోకి రానుంది.