RC 15 movie: మెగాపవర్స్టార్ రామ్చరణ్-దర్శకుడు శంకర్ కాంబోలో తెరకెక్కుతున్న సినిమా 'ఆర్సీ 15'. ప్రస్తుతం చిత్రీకరణ దశలో ఉన్న ఈసినిమా కోసం చరణ్ బాగా శ్రమిస్తున్నారు. పవర్‌ఫుల్‌ కథాంశంతో రూపుదిద్దుకుంటోన్న ఈ ప్రాజెక్ట్‌పై ఫ్యాన్స్లో భారీ అంచనాలు ఉన్నప్పటికీ.. ప్రస్తుతం ఈ సినిమా విషయంలో మెగాఫ్యాన్స్ కాస్త టెన్షన్ పడుతున్నారు. ఎందుకంటే 'ద వారియర్' సినిమా మిశ్రమ స్పందన అందుకోవడం వల్ల ఈ ఆందోళన ప్రారంభమైంది. గతకొన్నాళ్లుగా మన హీరోలు తమిళ దర్శకులతో చేస్తున్న సినిమాలు పెద్దగా వర్కౌట్ అవ్వకపోవడమే కారణం.
కొంతకాలం క్రితం నాగచైత్యన-గౌతమ్ మేనన్ కలయికలో వచ్చిన సాహసం శ్వాసగా సాగిపో, మహేశ్బాబు-మురగదాస్ కాంబినేషన్లో వచ్చిన స్పైడర్ డిజాస్టర్గా నిలిచాయి. ఆ తర్వాత విజయ్దేవరకొండ-ఆనంద్ శంకర్ కలిసి చేసిన నోట ఫెయిల్యూర్గా నిలిచింది. రీసెంట్గా వచ్చిన హీరో రామ్-లింగుస్వామి కూడా ఇలాంటి అనుభవాన్నే ఎదురొన్నారు. వీళ్ల కాంబోలో వచ్చిన 'ది వారియర్' ఆశించిన స్థాయిలో ఆకట్టుకోలేకపోయింది. దీంతో తమిళ దర్శకులు తెలుగు స్టార్స్కి షాక్లు ఇస్తుండటం వల్ల ఇప్పుడు అందరి దృష్టిశంకర్పై పడింది. మరోవైపు దక్షిణాదిలో టాప్ డైరెక్టర్గా పేరు గాంచిన శంకర్ తెరకెక్కించిన చివరి రెండు సినిమాలు 'ఐ', 'రోబో 2.0' నిరాశపరిచాయి. మరి ఈ చిత్రంతో శంకర్ కమ్ బ్యాక్ ఇస్తారో లేదో చూడాలి. అలాగే తన ఫామ్ను కోల్పోయిన శంకర్ మునపటిలా హిట్ కొడతారా? తెలుగు హీరోలు-తమిళ దర్శకుల కాంబో ఫ్లాప్ సెంటిమెంట్ను శంకర్ బ్రేక్ చేస్తారా? అనేది చూడాలి. ఏదేమైనప్పటికీ శంకర్-రామ్చరణ్ సూపర్ హిట్ అవ్వాలని ఫ్యాన్స్ ఆశిస్తున్నారు.
కాగా, ఆర్సీ 15ను దిల్‌రాజు, శిరీష్‌ సంయుక్తంగా నిర్మిస్తున్నారు. కియారా అడ్వాణీ కథానాయిక. శ్రీకాంత్‌, అంజలి, సునీల్‌, జయరామ్‌ తదితరులు కీలక పాత్రలు పోషిస్తున్నారు. ఈ సినిమా ఇప్పటికే 60శాతం వరకు చిత్రీకరణ పూర్తి చేసుకున్నట్లు తెలిసింది. డిసెంబర్‌ నాటికి మొత్తం పూర్తి చేయాలని లక్ష్యం నిర్దేశించుకున్నట్లు సమాచారం. ఈ సినిమాలో రామ్చరణ్ మూడు భిన్నమైన గెటప్పుల్లో కనిపించనున్నారు. సంగీతం- తమన్‌, మాటలు- సాయిమాధవ్‌ బుర్రా, ఛాయాగ్రహణం- తిరు, ఆర్.రత్నవేలు అందిస్తున్నారు.
ఇదీ చూడండి: స్టార్ హీరోయిన్ సోదరుడితో ఇలియానా డేటింగ్!
