Prabhas maruti film update: పాన్ ఇండియా స్టార్ ప్రభాస్- దర్శకుడు మారుతి కాంబినేషన్ సినిమా కోసం శరవేగంగా సన్నాహాలు జరుగుతున్నాయి. ఈ నెల 10నే చిత్రాన్ని కొబ్బరికాయ కొట్టి పూజాకార్యక్రమాలతో ప్రారంభించనున్నారు. వచ్చే నెల నుంచే రెగ్యులర్ షూటింగ్ షురూ కానుంది. స్క్రిప్టు పనులు దాదాపుగా తుది దశకు చేరాయి. హారర్‌ కథతో, మారుతి మార్క్‌ వినోదంతో ఈ చిత్రం రూపొందనున్నట్టు తెలిసింది.
ఈ చిత్రంలో ప్రభాస్‌కు జోడీగా ముగ్గురు కథానాయికలు సందడి చేయనున్నారు. ఇప్పటికే పలువురు భామల పేర్లు ప్రచారంలో ఉన్నాయి. సినిమా చిత్రీకరణ కోసం హైదరాబాద్‌లో ప్రత్యేకంగా సెట్స్‌ను తీర్చిదిద్దుతున్నారు. ప్రభాస్ అభిమానుల్ని అలరించడమే లక్ష్యంగా రూపొందనున్న ఈ సినిమా వేగంగానే ప్రేక్షకుల ముందుకొచ్చే అవకాశాలున్నాయి.
ఇదీ చూడండి: ఆ సినిమా కాస్ట్యూమ్స్ బడ్జెట్ రూ.100 కోట్లు!
