బాలయ్య మ్యాజిక్​.. పోటీ పడుతున్న యంగ్​ డైరెక్టర్స్​!

నందమూరి బాలకృష్ణతో సినిమా చేసేందుకు కొంతమంది యంగ్ డైరెక్టర్స్​ పోటీ పడుతున్నట్లు తెలుస్తోంది. ఆ వివరాలు..

Balakrishna Upcoming movies : నటసింహం నందమూరి బాలకృష్ణ వెంట ఇప్పుడు యువ దర్శకులు పడుతున్నారా? ఆయనతో సినిమా చేసేందుకు పోటీ పడుతున్నారా? అంటే.. ప్రస్తుత పరిస్థితి అలానే కనిపిస్తోంది. సినిమాల పరంగా 60 ప్లస్​లో బాలయ్య మంచి జోరు మీదున్నారు. 'అఖండ' సక్సస్, 'అన్​స్టాపబుల్​'షోతో ఆయన క్రేజ్​, రేంజ్​ మరింత పెరిగిపోయిన సంగతి తెలిసిందే. దీంతో బాలయ్య కూడా తన లైనప్​ను జాగ్రత్తగా ప్లాన్ చేసుకుంటున్నారు. అలా ఈ ఏడాది గోపిచంద్ మలినేని దర్శకత్వంలో 'వీరసింహారెడ్డి'తో ప్రేక్షకుల ముందుకు వచ్చి మరో సక్సెస్​ను ఖాతాలో వేసుకున్నారు. ప్రస్తుతం NBK 108 సినిమాలో నటిస్తున్నారు. దీనికి అనిల్​ రావిపూడి దర్శకత్వం వహిస్తున్నారు. ఇందులో సరికొత్త బాలయ్యను చూపించబోతున్నామని మూవీటీమ్​ చెబుతోంది. తెలంగాణ బ్యాక్​డ్రాప్​లో సాగే కథ కావడం వల్ల.. బాలయ్య డైలాగ్స్​, లుక్​ ప్రతీది కొత్తగా ఉండబోతుందని అంటోంది.

Balakrishna 109 movie : ఇక దీని తర్వాత NBK 109, 110 చిత్రాలను మరింత స్పెషల్​గా ప్లాన్ చేసుకుంటున్నారట బాలయ్య. దీంతో ఆయన్ను డైరెక్ట్​ చేసేందుకు యంగ్​ డైరెక్టర్స్​ కొంతమంది పోటీపడుతున్నట్లు తెలుస్తోంది. ఇప్పటికే పలువురి పేర్లు కూడా వరుసగా వినిపించాయి. 'వాల్తేరు వీరయ్య'తో హిట్​ అందుకున్న బాబీ, 'బింబిసార' ఫేమ్ వశిష్ట, 'అ!', 'జాంబిరెడ్డి' ఫేమ్​ ప్రశాంత్​ వర్మ లాంటి వారు ఆయన్ను కలిశి స్టోరీ లైన్స్​ కూడా చెప్పారట! ఇవి బాలయ్యకు కూడా నచ్చాయట. ప్రస్తుతం స్టోరీ డెవలప్​మెంట్​లు జరుగుతున్నాయని తెలుస్తోంది. అయితే ఎవరి తర్వాత ఎవరితో చేస్తారనేది తెలియదు కానీ.. వీరందరితో సినిమాలు చేసేందుకు నటసింహం రెడీగా ఉన్నారని అంటున్నారు. రీసెంట్​గా మరో ప్రచారం కూడా తెరపైకి వచ్చింది. బోయపాటి శ్రీనుతో కూడా మరో సినిమా ఫిక్స్​ అయిందని అన్నారు. NBK 109గా రూపొందే అవకాశాలున్నాయని చెబుతున్నారు. ఒకవేళ ఇదే కనుక నిజమైతే దీని తర్వాత యంగ్ డైరెక్టర్స్​తో బాలయ్య సినిమా చేసే అవకాశం ఉంది. ఏదేమైనప్పటికీ.. బాలయ్య కోసం ఇలా నవతరం దర్శకులు పోటీ పడటం విశేషం. చూడాలి మరి ఏం జరుగుతుందో..

• " class="align-text-top noRightClick twitterSection" data="">

కాగా, NBK 108 సినిమా విషయానికొస్తే.. సాహు గారపాటి, హరీష్‌ పెద్ది సంయుక్తంగా నిర్మిస్తున్నారు. శ్రీలీల కీలక పాత్ర పోషిస్తోంది. కాజల్ అగర్వాల్​.. బాలయ్య సరసన నటిస్తోంది. ఈ సినిమా ప్రస్తుతం శరవేగంగా చిత్రీకరణ జరుపుకుంటోంది. మరో కీలక పాత్ర కోసం నటుడు శరత్‌ కుమార్​ను రంగంలోకి దించింది చిత్ర బృందం. ఈ సినిమాకి తమన్‌ సంగీతం అందిస్తున్నారు. తమ్మిరాజు కూర్పు, సి.రామ్‌ప్రసాద్‌ ఛాయాగ్రహణం అందిస్తున్నారు.

ఇదీ చూడండి :