'దసరా' సినిమా బ్లాక్ బస్టర్ హిట్తో నేచురల్ స్టార్ నాని రేంజ్ మరింత పెరిగింది. ఎప్పుడూ క్లాసీ లుక్లో కనిపించే ఈ స్టార్ హీరో ఈ సినిమాలో ఊర మాస్లుక్లో దర్శనమిచ్చి అందరిని ఆశ్చర్యపరిచారు. ఇక తన యాక్టింగ్తో సినిమాను నెక్ట్స్ లెవల్కు తీసుకెళ్లారు. ఈ ఒక్క హిట్తో మరోసారి తానేంటో నిరూపించారు. అలానే తనలోకి కొత్త కోణాన్ని ప్రేక్షకులకు రుచి చూపించారు.
తన 15 ఏళ్ల కెరీర్లో ఇప్పటి వరకు టైర్ 2 హీరోగా స్థిరపడ్డ నాని.. ఈ సినిమాతో టైర్ 1 హీరోలకు దీటుగా నిలిచారు. సినిమా సెట్స్ పైకి వచ్చినప్పటి నుంచి రిలీజయ్యేంత వరకు.. సినిమాను తన భుజాలపై మోస్తూ.. ఎంతగానో శ్రమించారు. ప్రమోషన్లకు కూడా సోలోగా వెళ్లి అటు నార్త్లోనూ ఇటు సౌత్లోనూ సందడి చేశారు. మొత్తానికి తన కష్టానికి తగిన ఫలితం.. ఇప్పుడు వసూళ్ల రూపంలో అందుకుంటున్నారు. ఎప్పుడూ కొత్త దర్శకులతో పని చేసేందుకు ఆసక్తి చూపించే నాని ఈ సారి కూడా నూతన డైరెక్టర్ శ్రీకాంత్ ఓదెలతో పని చేసి బాక్సాఫీస్ ముందు జోరు చూపించారు. రెండు రోజుల్లోనే వరల్డ్వైడ్గా రూ.53కోట్ల గ్రాస్ను అందుకున్నారు. దీంతో నాని అభిమానులు హర్షం వ్యక్తం చేస్తూ తెగ సంబరపడిపోతున్నారు.
అయితే ఈ హిట్ తర్వాత నానికి అసలైన పరీక్ష మొదలైందని చెప్పాలి. తన తదుపరి సినిమాలపై మరింత బాధ్యత పెరిగింది. ఇకపై ఆయన కెరీర్ ఎలా ఉండనుందనే ఆసక్తి సినీ ప్రియుల మెదడులో మొదలైంది. ఇకపై నాని నటించబోయే సినిమాలు ఎలా ఉండనున్నాయి? ఇదే విధంగా ఓపెనింగ్స్ ఉంటాయా? ఇదే ఫామ్ను కొనసాగిస్తారా? అన్నది ఇప్పుడు ఆసక్తికరంగా మారింది. ఏదేమైనప్పటికీ నానిని ఇన్నేళ్లు తక్కువ అంచనా వేసిన వాళ్లకు.. ఈ సినిమాతో ఒక్కసారిగా వాళ్లందరి నోట మాట రానివ్వకుండా చేశారు. ఇన్నేళ్లు నాని చేసిన సినిమాలన్నీ ఒక ఎత్తు అయితే ఈ సినిమా నాని కెరీర్లో ది బెస్ట్ అనేలా ఉండటం విశేషం. కాబట్టి 'దసరా' తర్వాత నాని నుంచి ఇకపై వచ్చే సినిమాలు కూడా.. ఈ సినిమాను మించి ఉంటేనే నాని కెరీర్లో మరిన్ని మైల్ స్టోన్స్ దాటగలరు. లేదంటే మళ్లీ మీడియం రేంజ్ హీరోగానే కొనసాగాల్సి వస్తుంది.
నేచురల్ స్టార్కు సూపర్ స్టార్ ప్రశంసలు..
'దసరా' సక్సెస్, నాని యాక్టింగ్పై సామాన్యుల నుంచి సెలబ్రిటీలకు అందరూ ప్రశంసిస్తున్నారు. సూపర్‌స్టార్‌ మహేశ్‌బాబు కూడా మూవీ టీమ్పై ప్రశంసల వర్షాన్ని కురిపించారు. సినిమా చాలా బాగుందని, ఈ విషయానికి తాను ఎంతగానో గర్విస్తున్నానని అన్నారు. ఇక ఈ ట్వీట్కు రిప్లై ఇస్తూ మహేశ్‌కు ధన్యవాదాలు చెప్పింది చిత్ర నిర్మాణ సంస్థ. అంతే కాకుండా హీరో నాని కూడా మహేశ్ నుంచి ఇలాంటి కామెంట్స్ రావడం.. పోకిరి సినిమాకు మణిశర్మ సంగీతం లాగా ఉందని రిప్లై ఇచ్చారు . ప్రస్తుతం ఈ ట్వీట్స్ సోషల్ మీడియాలో ట్రెండ్ అవుతోంది.
కాగా, నాని నటించిన ఫస్ట్ పాన్‌ ఇండియా మూవీ ఇది. కీర్తి సురేశ్‌ హీరోయిన్. మార్చి 30న రిలీజ్ అయిన ఈ చిత్రం.. తెలుగుతో పాటు మిగిలిన భాషల్లోనూ మంచి టాక్‌ను తెచ్చుకుంది. ధరణి, వెన్నెలగా నాని-కీర్తిసురేశ్‌ల నటన ఆకట్టుకునేలా ఉందని సోషల్‌మీడియా వేదికగా సినీ ప్రియులు ప్రశంసల వర్షం కురిపిస్తున్నారు.
-
Thank you @urstrulyMahesh sir. Your voice of support for good cinema is what Manisharma’s score is for pokiri 🙏🏼♥️ https://t.co/mHxrCsZ1gb
— Nani (@NameisNani) March 31, 2023 " class="align-text-top noRightClick twitterSection" data="
">Thank you @urstrulyMahesh sir. Your voice of support for good cinema is what Manisharma’s score is for pokiri 🙏🏼♥️ https://t.co/mHxrCsZ1gb
— Nani (@NameisNani) March 31, 2023Thank you @urstrulyMahesh sir. Your voice of support for good cinema is what Manisharma’s score is for pokiri 🙏🏼♥️ https://t.co/mHxrCsZ1gb
— Nani (@NameisNani) March 31, 2023
