నేచుర‌ల్ స్టార్ నాని లేటెస్ట్ పాన్ ఇండియా మూవీ 'దసరా' బాక్సాఫీస్ వద్ద రెండో రోజూ కాసుల వర్షాన్ని కురిపిస్తోంది. ఈ రెండు రోజుల్లో హిట్ టాక్‌తో పాటు కలెక్షన్ల పరంగా సంచలనాలను సృష్టిస్తోంది. తొలి రోజే రూ.38 కోట్ల గ్రాస్‌ను వసూలు చేసిన ఈ మూవీ.. రెండో రోజు దాదాపు రూ.15 కోట్లు గ్రాస్ వసూలు చేసింది. రెండు రోజుల్లో మొత్తం రూ.53 కోట్ల గ్రాస్ వ‌సూళ్ల‌ను రాబ‌ట్టినట్లు చిత్రబృందం తెలిపింది. ఇక ఈ సినిమా రెండో రోజు కలెక్షన్లను ఓ సారి చూస్తే..
- నైజాం - రూ.10.26 కోట్లు
- సీడెడ్ - రూ. 3.02 కోట్లు
- ఉత్త‌రాంధ్ర - రూ. 2.06 కోట్లు
- తూర్పు గోదావరి - రూ. 1.18 కోట్లు
- పశ్చిమ గోదావరి - రూ. 71 ల‌క్ష‌లు
- కృష్ణా - రూ. 92 ల‌క్ష‌లు
- గుంటూరు - రూ. 1.46 కోట్లు
- నెల్లూరు - రూ. 47 ల‌క్ష‌లు
రెండు తెలుగు రాష్ట్రాల్లో సుమారు రూ.20.08 కోట్లను కలెక్ట్ చేసింది. గ్రాస్గా సుమారు రూ.34.45 కోట్లకు మేర సంపాదించిందని ట్రేడ్ వర్గాల టాక్. ఓవ‌ర్‌సీస్‌లో ఈ మూవీ రూ.5.60 కోట్లు షేర్ కలెక్షన్లను రాబట్టింది. ప్రపంచవ్యాప్తంగా రూ.29.08 కోట్లు షేర్ కలెక్షన్స్ వ‌చ్చాయి. గ్రాస్ ప్రకారం చూస్తే రూ.52.40 కోట్లు వసూలైందని సమాచారం.
ప్రీ రిలీజ్ బిజినెస్లోనూ అదుర్స్..
దసరా సినిమా రిలీజ్కు ముందే రూ.48 కోట్లు ప్రీ రిలీజ్ బిజినెస్‌ను సొంతం చేసుకుంది. అయితే ట్రేడ్ వర్గాల ప్రకారం ఈ సినిమాకు మ‌రో 20 కోట్లు రావాల్సి ఉంది. వీకెండ్లో రూ.20 కోట్లు సాధించడం పక్కా అని విశ్లేషకులు అంటున్నారు. ప్రపంచ వ్యాప్తంగా ఈ సినిమా దాదాపు 2700 స్క్రీన్స్లో రిలీజైంది.
సినిమా విషయానికి వస్తే.. తెలంగాణలోని వీరపల్లి అనే గ్రామంలోని బొగ్గు కార్మికులు నేపథ్యంలో తెరకెక్కింది దసరా మూవీ. ఈ సినిమాతో దర్శకుడిగా తెరంగేట్రం చేసిన శ్రీకాంత్ ఓదెల.. తొలి సినిమాతోనే హిట్ కొట్టేశారు. ఈ సినిమాలో నాని సరసన కీర్తి సురేశ్ నటించగా.. దీక్షిత్ శెట్టి, టామ్ చాకో, సాయికుమార్, సముద్రఖని కీలక పాత్రలు పోషించారు. నాని న‌టించిన తొలి పాన్ ఇండియా మూవీ ఇదే కావడం విశేషం. ఇక ఈ సినిమా నాని కెరీర్లో ఓ బెస్ట్ మైల్ స్టోన్గా నిలిచింది. ముఖ్యంగా నాని యాక్టింగ్కు ఫ్యాన్స్ ఫిదా అయిపోయారు. కీర్తి సురేశ్ కూడా తనదైన శైలిలో నటించి మెప్పించారు.
