Mahesh babu trivikram movie: 'అతడు', 'ఖలేజా' తర్వాత మహేశ్బాబు హీరోగా త్రివిక్రమ్ శ్రీనివాస్‌ డైరెక్షన్‌లో మరో కొత్త సినిమా ఓకే అయిన సంగతి తెలిసిందే. మహేశ్బాబు 28వ చిత్రంగా ఇది రూపుదిద్దుకోనుంది. హారికా అండ్‌ హాసిని క్రియేషన్స్‌ పతాకంపై ఈ సినిమా తెరకెక్కనుంది. అయితే.. దీన్ని ప్రకటించిన నాటి నుంచి ఈ సినిమా ఎప్పుడు పట్టాలెక్కుతుందా అని అభిమానులు ఆశగా ఎదురుచూస్తున్నారు.
ఈ క్రమంలోనే ఈ ప్రాజెక్ట్ గురించి రోజుకో వార్త బయటకు వస్తోంది. తాజాగా ఈ చిత్రంలో సెకండ్ హీరోగా ఓ పాత్ర ఉంటుందని, అందులో నేచురల్ స్టార్ నాని నటిస్తారని ప్రచారం సాగుతోంది. మరి ఇందులో నిజమెంతో తెలియదుగానీ.. నిజమైతే ఫ్యామిలీ ఆడియెన్స్కు పండగనే చెప్పాలి. ఇక ఈ సినిమా టైటిల్ను.. సూపర్ స్టార్ కృష్ణ పుట్టినరోజు సందర్భంగా మే 31న అనౌన్స్ చేస్తారని అంటున్నారు. కాగా, ఇందులో హీరోయిన్గా పూజాహెగ్డే నటించనుంది.
Hero aadi saikumar crazy fellow look: హీరో ఆది సాయికుమార్ నటిస్తున్న తాజా చిత్రం'క్రేజీ ఫెలో'. ఫణికృష్ణ ఈ సినిమాతో దర్శకుడిగా పరిచయం కానున్నారు. ఆదికి జోడీగా దిగంగన సూర్యవంశి, మిర్నా మీనన్ హీరోయిన్లుగా నటిస్తున్నారు. తాజాగా ఈ సినిమా ఫస్ట్‌లుక్‌ పోస్టర్‌ను మేకర్స్‌ విడుదల చేశారు. ఇందులో ఆది కూల్‌ లుక్‌లో కనిపిస్తున్నారు. కంప్లీట్‌ ఫ్యామిలీ ఎంటర్‌టైనర్‌గా తెరకెక్కుతున్న ఈ చిత్రాన్ని స‌త్య‌సాయి ఆర్ట్స్ పతాకంపై కెకె రాధామోహ‌న్ నిర్మిస్తున్నారు. ప్రస్తుతం ఈ సినిమా షూటింగ్‌ హైదరాబాద్‌లో షరవేగంగా జరుగుతుంది. ఈ చిత్రానికి ఆర్ఆర్ ధృవన్ సంగీతం అందిస్తుండగా, సతీష్‌ ముత్యాల సినిమాటోగ్రఫర్గా పని చేస్తున్నారు.
ఇదీ చూడండి: NTR 30: కత్తి పట్టుకుని మాస్లుక్లో ఎన్టీఆర్.. ఫ్యాన్స్కు పూనకాలే..
