Merry Christmas Movie Trailer : కోలీవుడ్ స్టార్ హీరో, విలన్, నటుడు విజయ్ సేతుపతి ప్రస్తుతం చేతి నిండా సినిమాలో బిజీ బిజీగా గడుపుతున్నారు. తాజాగా ఆయన బాలీవుడ్లో మరో సినిమాకు సైన్ చేశారు. 'బద్లాపూర్‌', 'అంధాదూన్‌' వంటి బ్లాక్ బస్టర్ సినిమాలు తెరకెక్కించిన శ్రీరామ్ రాఘవన్తో కలిసి ఆయన'మేరీ క్రిస్మస్' అనే సినిమాకు సైన్ చేశారు. ఇందులో బాలీవుడ్ బ్యూటీ కత్రినా కైఫ్ హీరోయిన్గా నటిస్తున్నారు.
- " class="align-text-top noRightClick twitterSection" data="">
ఇప్పటికే ఈ సినిమా నుంచి రిలీజైన టైటిల్ పోస్టర్‌కు విశేష స్పందన వచ్చింది. తాజాగా మేకర్స్ ఈ సినిమా ట్రైలర్ను విడుదల చేశారు. దాంతో పాటు రిలీజ్ డేట్పై కూడా క్లారిటీ ఇచ్చారు. తమిళం, హిందీలో ఒకే కంటెంట్తో ఈ సినిమా తెరకెక్కినప్పటికీ ట్రైలర్లు మాత్రం వేర్వేరుగా విడుదల చేశారు మేకర్స్. క్రైమ్ థ్రిల్లర్ కాన్సెప్ట్‌తో తెరకెక్కుతున్న ఈ సినిమాకు చెందిన రెండు ట్రైలర్లు మూవీపై మరింత ఆసక్తిని పెంచుతున్నాయి.
- " class="align-text-top noRightClick twitterSection" data="">
డైరెక్టర్ శ్రీరామ్ రాఘవన్ సినిమాలో ఫుల్ ట్విస్ట్లు, సర్ప్రైజ్లు ఇవ్వనున్నట్లు సమాచారం. ప్రస్తుతం ఈ రెండు ట్రైలర్లు సినీ ఇండస్ట్రీలో టాక్ ఆఫ్ ది టౌన్గా మారాయి. ఎందుకంటే ఒక చిత్రం నుంచి రెండు ట్రైలర్లు రిలీజ్ చేయడం ఇదే తొలిసారి. దీంతో కొత్త ట్రెండ్ను సినీవర్గాలు చెబుతున్నాయి.
మేరీ క్రిస్మస్ మూవీతోనే విజయ్ సేతుపతి బాలీవుడ్‌లోకి అరంగేట్రం చేయాల్సింది. ఆయన హిందీలో అంగీక‌రించిన ఫ‌స్ట్ మూవీ ఇదే. కానీ అనివార్య కార‌ణాల వ‌ల్ల షూటింగ్ ఆల‌స్యం కావ‌డంతో మేరీ క్రిస్మస్ మూడో సినిమాగా రిలీజ్ కాబోతోంది. ఈ ఏడాది ముంబైక‌ర్ సినిమాతో బాలీవుడ్‌లోకి ఎంట్రీ ఇచ్చారు విజ‌య సేతుపతి.
Merry Christmas Cast : మ్యాచ్‌ బాక్స్ పిక్చర్స్ ప్రైవేట్ లిమిటెడ్‌తో కలిసి రమేష్ తౌరానీస్ టిప్స్ ఇండస్ట్రీస్ ఈ చిత్రాన్ని నిర్మించారు. వచ్చే ఏడాది జనవరి 12వ తేదీన ఈ సినిమా రిలీజ్ కానుంది. ఈ చిత్రంలో విజయ్ సేతుపతి, కత్రినా కైఫ్‌తో పాటు సంజయ్ కపూర్, వినయ్ పాఠక్, ప్రతిమ కన్నన్, టిన్నూ ఆనంద్ నటిస్తున్నారు. తమిళ వెర్షన్‌లో రాధికా శరత్‌కుమార్, షణ్ముగరాజా, కెవిన్ జే బాబు, రాజేష్ విలియమ్స్ అదే పాత్రల్లో కనిపించనున్నారు. అయితే తెలుగులో ఈ సినిమా డబ్ కావడం లేదని సమాచారం.
చెర్రీ సినిమాలో విలన్గా విజయ్ సేతుపతి! భలే ప్లాన్ చేశారుగా.. ఇక థియేటర్లలో ఫ్యాన్స్కు పూనకాలే
Lokesh Kanagaraj And Vijay Sethupathi : LCUలో మళ్లీ సంతానం పాత్ర ఉంటుందా?.. లోకేశ్ ఆన్సర్ ఇదే
