Guntur Karam Mahesh Babu : సూపర్ స్టార్ మహేశ్ బాబు కథానాయకుడిగా డైరెక్టర్ త్రివిక్రమ్‌ శ్రీనివాస్‌ దర్శకత్వంలో రూపొందనున్న మాస్ ఎంటర్టైనర్ సినిమా 'గుంటూరు కారం'(#Gunturukaram). ఎన్నో రోజులగా ఎదురుచూస్తున్న ఈ సినిమా టైటిల్ను రీసెంట్గానే ప్రకటించారు. దీంతో పాటే మాస్ట్ స్ట్రైక్ పేరుతో ఓ గ్లింప్స్ను కూడా రిలీజ్ చేశారు. ఇందులో మహేశ్ యాటిట్యూడ్, స్టైలిష్ లుక్, మాస్ సీన్స్, బీజేఎం అదిరిపోయాయి. ముఖ్యంగా మహేశ్ '‘ఏంది అట్టా చూస్తున్నావు... బీడీ త్రీడీలో కనపడుతుందా?' అంటూ చెప్పిన సంభాషణ బాగా ఆకట్టుకుంది.
హైయెస్ట్ వ్యూస్గా రికార్డ్.. అయితే మొదటి రోజే రికార్డు బ్రేకింగ్ రెస్పాన్స్ అందుకున్న ఈ 'మాస్ స్ట్రైక్' వీడియో ఇప్పుడు టాలీవుడ్లోనే హైయెస్ట్ వ్యూస్ అంకున్న గ్లింప్స్గా నిలిచింది. ఈ గ్లింప్స్ దాని లైఫ్టైమ్.. ఇప్పటివరకు ఐదు రోజుల్లో 28.4 మిలియన్ వ్యూస్ను అందుకుంది. అలాగే 30 మిలియన్ వ్యూస్ మార్క్కు టచ్ అయ్యే గ్లింప్స్గా కూడా ఇది నిలవనుంది. దీని తర్వాత స్థానాల్లో అల్లు అర్జున్ 'వేర్ ఈజ్ పుష్ప' 28.3 మిలియన్ వ్యూస్, పవన్ కల్యాణ్ 'భీమ్లానాయక్' 26.5 మిలియన్ వ్యూస్, విజయ్ దేవరకొండ 'లైగర్' గ్లింప్స్ 26.1 మిలియన్ వ్యూస్ అందుకున్నాయి.
25 రోజుల పాటు కొత్త షెడ్యూల్.. ఈ సినిమా అనౌన్స్ మెంట్ చేసినప్పటి నుంచి షూటింగ్ ఆలస్యంగానే సాగుతూ వస్తోంది. అయితే వాయిదాలు పడుతున్నప్పటికీ షెడ్యూల్స్ను సాఫీగానే మేకర్స్ కంప్లీజ్ చేస్తున్నారు. అయితే ఈ సారి కొత్త షెడ్యూల్ను జూన్ 12నుంచి ప్రారంభం చేయనున్నారట. దాదాపు 25రోజుల పాటు ఈ లాంగ్ షెడ్యూల్ చిత్రీకరణ జరుపుకోనుంది. అలాగే ఈ షెడ్యూల్లో శ్రీలీల కూడా జాయిన్ కానుంది. ఆమెపై సన్నివేశాలు చిత్రీకరించనున్నారు. దీంతో మహేశ్ అభిమానులు సంతోషం వ్యక్తం చేస్తన్నారు. ఆగస్టులో మహేశ్ బర్త్డే నాటికి మరో అదిరిపోయే టీజర్ రెడీ అవుతుందని ఆశిస్తున్నారు.
- " class="align-text-top noRightClick twitterSection" data="">
Guntur karam movie release date : కాగా, 'అతడు', 'ఖలేజా' సినిమాల తర్వాత మహేశ్ - త్రివిక్రమ్‌ కలిసి చేస్తున్న సినిమా ఇది. పూజాహెగ్డే, శ్రీలీల కథానాయికలుగా నటిస్తున్నారు. హారిక అండ్‌ హాసిని క్రియేషన్స్‌ పతాకంపై ఎస్‌.రాధాకృష్ణ భారీ బడ్జెట్తో నిర్మిస్తున్నారు. వచ్చే ఏడాది జనవరి 13న చిత్రాన్ని ప్రేక్షకుల ముందుకు తీసుకురానున్నారు. ఈ చిత్రానికి తమన్‌ సంగీతం అందించారు. పి.ఎస్‌.వినోద్‌ ఛాయాగ్రహణం అందిస్తున్నారు.
ఇదీ చూడండి :
