ప్రకాశ్ రాజ్, రమ్యకృష్ణ, బ్రహ్మానందం ప్రధాన పాత్రల్లో దర్శకుడు కృష్ణవంశీ ప్రతిష్టాత్మకంగా తెరకెక్కించిన చిత్రం 'రంగమార్తాండ'. హౌస్ఫుల్ మూవీస్, రాజశ్యామల ఎంటర్టైన్మెంట్స్ బ్యానర్పై ఈ మూవీని నిర్మించారు. అయితే తాజాగా ఓ ఇంటర్వ్యూలో పాల్గొన్న కృష్ణవంశీ.. ఈ చిత్రంలో తన భార్య రమ్యకృష్ణ పోషించిన పాత్రకు సంబంధించి ఓ ఆసక్తికర విషయాన్ని చెప్పారు. ఆమెకు సంబంధించిన సన్నివేశాన్ని 36 గంటల పాటు షూట్ చేసినట్లు తెలిపారు.
సెంటిమెంట్‌ అడ్డొచ్చినా సినిమాకే హైలైట్గా నిలిచేది అవ్వడం వల్ల ఆ సన్నివేశాన్ని తీయక తప్పలేదని చెప్పారు. ఆ సమయంలో ఏడ్పు వస్తున్నా.. గుండెను రాయి చేసుకుని చిత్రీకరణ పూర్తి చేసినట్లు తెలిపారు. ఆ రోజు రాత్రి నిద్ర కూడా అస్సలు పట్టలేదని చెప్పుకొచ్చారు. ఈ చిత్రానికి ఒరిజినల్ అయిన మరాఠీ మూవీ 'నట్‌ సామ్రాట్‌' బాగా నచ్చిందని చెప్పారు. అయితే రీమేక్లో తాను కొన్ని మార్పులు చేసినట్లు చెప్పుకొచ్చారు.
నేటివిటీని దృష్టిలో పెట్టుకుని స్క్రిప్టును కొత్తగా రాసిటన్లు తెలిపారు. తెలుగు భాష గొప్పదనాన్ని చాటిచెప్పే ఓ సీన్ ఈ మూవీలో ఉందని అది ఆడియెన్స్ను కట్టిపడేస్తుందని వెల్లడించారు. ఇక నటుడు బ్రహ్మానందం గురించి మాట్లాడుతూ.. ఈ సినిమాలో బ్రహ్మి పోషించిన పాత్ర ఆయన ఇమేజ్‌కు డిఫరెంట్గా ఉంటుందని తెలిపారు. అన్ని సినిమాల్లోనూ ఆయన్ను ఎక్కువగా క్లోజప్‌ షాట్స్‌లో చూపించారని, తాను మాత్రం లాంగ్‌ షాట్స్‌లో ఎక్కువగా చూపించినట్లు చెప్పుకొచ్చారు. దాని వెనుక కారణం సినిమా చూస్తే అర్థమవుతుందని అని పేర్కొన్నారు.
ఇకపోతే తాజాగా.. అన్ని కార్యక్రమాలు పూర్తిచేసుకున్న ఈ సినిమా టీజర్ను మూవీటీమ్ విడుదల చేసింది. ఉగాది సందర్భంగా మార్చి 22న ఈ మూవీ రిలీజ్ కానుంది. శివాత్మిక రాజశేఖర్‌, రాహుల్‌ సిప్లిగంజ్‌, ఆదర్శ్‌ బాలకృష్ణ తదితరులు కూడా ఈ చిత్రంలో నటించారు. ఇప్పటికే ఈ సినిమాకు సంబంధించి ప్రివ్యూలను కూడా ప్రదర్శిస్తున్నారు. దర్శకులు హరీశ్‌ శంకర్‌, శేఖర్‌ కమ్ముల, దేవ కట్టా, బి. గోపాల్‌, నందిని రెడ్డి, బుచ్చిబాబు, తేజ, అనుదీప్‌ కె. వి. తదితరులు ఈ సినిమా చూసి తమ అభిప్రాయం వ్యక్తం చేశారు. ఇతర సెలబ్రిటీలు కూడా ప్రశంసిస్తూ ట్వీట్స్ చేస్తున్నారు. ముఖ్యంగా బ్రహ్మానందం పోషించిన పాత్ర బాగా ఎమోషనల్కు గురిచేస్తుందని చెబుతున్నారు. బ్రహ్మానందం ఈ డిఫరెంట్ క్యారెక్టర్‌ పోషించడం, భారీ తారాగణం ఉండటం, మెగాస్టార్ చిరంజీవి ఓ షాయరీ ఆలపించడం.. ఇలా అన్ని అంశాలు ఆడియెన్స్లో ఈ మూవీపై బాగా ఆసక్తి నెలకొల్పాయి. దీంతో సినిమా చూసేందుకు అందరూ ఆసక్తి చూపిస్తున్నారు.
ఇదీ చూడండి: వెయ్యి కోట్ల క్లబ్లో టాలీవుడ్, శాండల్ వుడ్.. కోలీవుడ్ ఆశలన్నీ ఆ సినిమాపైనే?
