KGF 3 Update : కన్నడ స్టార్ హీరో యశ్ లీడ్ రోల్లో తెరకెక్కిన 'కేజీఎఫ్' సిరీస్.. సినీ ఇండస్ట్రీలో ఎంతటి ప్రభంజనాన్ని సృష్టించిందో ప్రత్యేకంగా చెప్పనక్కర్లేదు. ఎటువంటి బజ్ లేకుండా 2018లో విడుదలైన పార్ట్-1.. రిలీజ్ అయిన కొద్ది రోజుల్లోనే ట్రెండ్ సృష్టించింది. యావత్ సినీ ఇండస్ట్రీని శాండల్వుడ్ వైపునకు తిప్పింది. యశ్ సినీ కెరీర్ను ఓ మలుపు తిప్పిన ఈ మూవీ.. ఇండియాలోనే కాదు విదేశాల్లోనూ సెన్సేషన్ క్రియేట్ చేసింది. ఇదే జోరుతో దర్శకుడు ప్రశాంత్ నీల్ 2022లో ఈ సినిమాకు సీక్వెల్ను తెరకెక్కించారు. ఇది కూడా మెదటి పార్ట్ కంటే ఎక్కువగా వసూళ్లను సాధించి టాక్ ఆఫ్ ద టౌన్గా మారింది. అయితే ఈ చిత్రంతోనే ఈ కథ ఓ కొలిక్కి వస్తుందని అనుకుంటే.. సీన్ రివర్స్ అయ్యింది.
KGF 3 Movie Update : సెకెండ్ పార్ట్ ఎండింగ్లో 'కేజీఎఫ్- ఛాప్టర్ 3' ఉంటుందని దర్శకుడు ప్రకటించారు. దీంతో ఫ్యాన్స్లో మరింత ఆసక్తి నెలకొంది. దీంతో పాటు సినిమా కూడా కన్క్లూజన్ లేకుండా వదిలిపెట్టడం వల్ల అభిమానులు కూడా ఈ చిత్రానికి త్వరలోనే సీక్వెల్ వస్తుందని అనుకున్నారు. కానీ అటు ప్రోడక్షన్ హౌస్ గానీ ఇటు హీరో గానీ ఎటువంటి అప్డేట్ను షేర్ చేయలేదు. అంతే కాకుండా దర్శకుడు ప్రశాంత్ నీల్ కూడా ప్రభాస్తో 'సలార్' సినిమాను తెరకెక్కించే పనుల్లో బిజీ అయిపోయారు. దీంతో ఈ మూవీ గురించి ఎక్కడా కూడా ఊసే లేకుండా పోయింది.
అయితే తాజా సమాచారం ప్రకారం 2025లో 'కేజీఎఫ్-3' సినిమా రిలీజ్ కానుందని హోంబలే ఫిల్మ్స్ సంస్థకు సంబంధించిన ఓ ప్రతినిధి తెలిపారు. ఈ ఏడాది చివరికల్లా ఈ చిత్రానికి సంబంధించిన ప్రొడక్షన్ పనులు మొదలవుతాయని ఆయన అన్నారు. దీని గురించి అధికారిక ప్రకటనను ఈ ఏడాది డిసెంబర్ 21న చేయనున్నారని ఆయన పేర్కొన్నారు. ఇక ఈ సినిమా షూటింగ్ 2024 అక్టోబర్లో జరగనుండగా.. 2025 కల్లా ఈ చిత్రం థియేటర్లలో సందడి చేయనుందని సమాచారం.
- " class="align-text-top noRightClick twitterSection" data="">
