Kantara Prequel Shooting Location : కన్నడ స్టార్ హీరో రిషబ్ శెట్టి స్వీయ దర్శకత్వంలో రూపొందిన సూపర్ హిట్ మూవీ 'కాంతార' సినీ ఇండస్ట్రీలో ఎంతటి ప్రభంజనం సృష్టించిందో అందరికీ తెలిసిందే. చిన్న చిత్రంగా విడుదలై పాన్ ఇండియా లెవెల్లో రూ.కోట్ల మేర కలెక్షన్లను అందుకుని దూసుకెళ్లింది. ఈ సినిమాతో రిషబ్ శెట్టి క్రేజ్ కూడా అమాంతం పెరిగిపోయింది. సినిమా స్టార్స్ నుంచి ఆడియెన్స్ వరకూ అందరూ ఆయనపై ప్రశంసల జల్లును కురిపించారు.
Kantara 2 Update : ఇక అందరి దృష్టి ఒక్కసారిగా కన్నడ ఇండస్ట్రీ వైపుకు మళ్లింది. అయితే అప్పట్లోనే 'కాంతార'కు రెండో భాగం ఉంటుందని రిషబ్ శెట్టి స్పష్టం చేశారు. అయితే అది సీక్వెల్ కాదని ప్రీక్వెల్ అంటూ క్లారిటీ కూడా ఇచ్చేశారు. ఇక అప్పటి నుంచి ఈ సినిమా షూటింగ్ ఎప్పుడెప్పుడు మొదలవుతుందా అంటూ సినీ ప్రియులంతా ఆసక్తిగా ఎదురుచూస్తున్నారు. ఈ క్రమంలోనే తాజాగా సినిమాకు సంబంధించిన ఓ వార్త సోషల్ మీడియాలో ట్రెండ్ అవుతోంది.
అదేంటంటే.. సినీ దర్శకుడు రిషబ్ శెట్టి తన టీమ్తో కలిసి ప్రీక్వెల్ స్క్రిప్ట్‌ పనులను పూర్తి చేశారట. ఇందులో భాగంగా మొదటి పార్ట్ షూటింగ్‌ను ఎక్కువ శాతం ఆయన సొంత ఊరు కుందాపురలో చేయగా.. ఇప్పుడు రెండో భాగాన్ని బెంగుళూర్‌లోని పలు ప్రాంతాల్లో చిత్రీకరించాలని నిర్ణయం తీసుకున్నట్లు సమాచారం.
Kantara 2 Shooting : మరోవైపు మొదటి భాగాన్ని తక్కువ బడ్జెట్‌తో ముగించగా.. ప్రీక్వెల్‌ను మాత్రం భారీ బడ్జెట్‌తో తీయనున్నారట. ఈ సారి సినిమాలో నటించే స్టార్స్ ఎంపికలో కూడా మార్పులు చేయనున్నారని టాక్‌. అంతే కాకుండా మొత్తం షూటింగ్‌ను నాలుగు షెడ్యూళ్లలో పూర్తి చేయాలని మూవీ టీమ్ ప్లాన్ చేస్తోందట. ఈ క్రమంలో సినిమా షూటింగ్‌ను వచ్చే ఏడాది ప్రారంభంలో ముగించి.. చివర్లో థియేటర్లలో విడుదల చేసేందుకు సన్నాహాలు చేయనున్నారట.
ఇక 'కాంతార' తొలిభాగం ఎక్కడైతే ప్రారంభమైందో.. దానికి ముందు జరిగిన సంఘటనలను ఈ ప్రీక్వెల్లో మేకర్స్ చూపనున్నారు. ఇందులో పంజుర్లి దేవతకు సంబంధించిన సన్నివేశాలు ఎక్కువగా ఉండనున్నాయని సమాచారం. అంతే కాకుండా భూతకోల నేపథ్యాన్ని ఈ ప్రీక్వెల్లో మరింత చూపనున్నారట. ఇక దర్శకుడు రిషబ్ శెట్టి ఈ సినిమా కోసం గుర్రపు స్వారీలో ప్రత్యేక శిక్షణ సైతం తీసుకున్నారని సమాచారం.
- " class="align-text-top noRightClick twitterSection" data="">
'కాంతార' అభిమానులకు గుడ్ న్యూస్.. సినిమా మొదలయ్యేది అప్పుడే!
