Kantara Chapter 1 First Look Release Date : గతేడాది సాధారణ సినిమాగా విడుదలై దేశవ్యాప్తంగా సంచలనం సృష్టించిన చిత్రం 'కాంతార'. చిన్న సినిమాగా ప్రేక్షకుల ముందుకు వచ్చి బాక్సాఫీస్ను షేక్ చేసింది. ఒక్కసారిగా పాన్ ఇండియా సినిమాలకు ధీటుగా నిలిచింది. కన్నడ యాక్షన్ థ్రిల్లర్గా వచ్చిన ఈ చిత్రం 'ఆర్ఆర్ఆర్', 'కేజీయఫ్' పాటు ఇతర విజయవంతమైన సినిమాల సరసన చేరింది. బాలీవుడ్లోనూ సూపర్ సక్సెస్ను అందుకుంది. కన్నడ సినిమాల్లో అత్యధిక కలెక్షన్లు వసూలు చేసిన రెండో చిత్రంగానూ నిలిచింది. అయితే ఈ సినిమాకు ప్రిక్వెల్ చేయనున్నట్లు నిర్మాతలు ఇది వరకే ప్రకటించారు.
Kantara Chapter 1 Update : 'కాంతార- చాప్టర్ 1' అనే టైటిల్తో రానున్న ఈ మూవీకి కూడా రిషభ్ శెట్టి ద‌ర్శ‌క‌త్వం వ‌హిస్తున్నారు. ఇక ఈ సినిమా చిత్రీకరణను చిత్ర బృందం ఇటీవలే మొదలు పెట్టింది. తాజాగా ఈ సినిమాకు సంబంధించి బిగ్ అప్డేట్ను సోషల్ మీడియా వేదికగా ప్రేక్షకులతో షేర్ చేసుకుంది చిత్ర నిర్మాణ సంస్థ హొంబలే ఫిల్మ్స్. 'కాంతార - చాప్టర్1' ఫస్ట్ లుక్ను నవంబర్ 27న మధ్యాహ్నం 12.25 గంటలకు విడుదల చేయనున్నట్లు ప్రకటించింది. ఈ విషయాన్ని తెలియజేస్తూ రిలీజ్ చేసిన పోస్టర్పై..'ఇది వెలుగు మాత్రమే కాదు.. దర్శనం' అని రాసుకొచ్చింది.
Kantara Chapter 1 Budget : కాంతార తొలి భాగాన్ని రూ.15 కోట్ల బడ్జెట్లోనే రూపొందించారు. కానీ ఈ ప్రీక్వెల్ కోసం దాదాపు రూ.120 కోట్ల బడ్జెట్ ఖర్చు పెట్టబోతున్నారని వార్తలు వస్తున్నాయి. సినిమాకి గ్రాండ్ లుక్ తీసుకురావడంతో పాటు అన్ని భాషల్లో ఒకే సారి విడుదల చేసేలా చిత్ర సన్నాహాలు చేస్తున్నట్లు తెలుస్తోంది. విఎఫ్ఎక్స్కు ఎక్కువ స్కోప్ ఉంటుందని అంటున్నారు. అందుకే ఈ సినిమా బడ్జెట్ రేంజ్ కూడా పెరిగినట్లు ఇండస్ట్రీ వర్గాలలో టాక్ వినిపిస్తోంది.
Kantara Chapter 1 Story : 'కాంతార' మొదటిభాగం ఎక్కడైతే ప్రారంభమైందో.. దానికి ముందు జరిగిన సంఘటనలను ఈ ప్రీక్వెల్లో మేకర్స్ చూపనున్నారు. ఇందులో పంజుర్లి దేవతకు సంబంధించిన సన్నివేశాలు ఎక్కువగా ఉండనున్నాయి. అంతే కాకుండా భూతకోల నేపథ్యాన్ని ఈ ప్రీక్వెల్లో మరింత చూపనున్నారట. ఈ మేరకు దర్శకుడు రిషభ్ శెట్టి గతంలో ఓ ఇంటర్వ్యూలో 'కాంతార- చాప్టర్1'కు సంబంధించి కొన్ని విషయాలను షేర్ చేసుకున్నారు.
కుమార్తెకు బిగ్బీ కాస్ట్లీ గిఫ్ట్ - విలువ తెలిస్తే షాకవ్వాల్సిందే!
'తండేల్' టు 'తంగలాన్' - టైటిల్స్లో కొత్త ట్రెండ్ - వీటికి అర్థాలు తెలుసా ?
