దర్శకుడితో సీక్రెట్​ రిలేషన్​షిప్​.. అబార్షన్​ చేయించుకున్న నటి

ఓ నటి.. తన జీవితంలో జరిగిన షాకింగ్​ సంఘటనను బయటపెట్టింది. ఓ పెద్ద దర్శకుడితో సీక్రెట్​ రిలేషన్​షిప్​లో ఉన్నట్లు తెలిపింది. ఇటీవలే అబార్షన్​ కూడా చేయించుకున్నట్లు వెల్లడించింది.

Kangana Lock up show Actor Mandana abortion: బాలీవుడ్​ నటి కంగనా రనౌత్​ వ్యాఖ్యాతగా వ్యవహరిస్తున్న రియాలిటీ షో 'లాకప్​'. ఇందులో పాల్గొన్న కంటెస్టెంట్​లు తమ జీవితంలో జరిగిన, ఎవరికీ తెలియని షాకింగ్ సీక్రెట్​లను బయటపెడుతున్నారు. ఇందులో భాగంగానే ఈ షోలో పాల్గొన్న నటి మందానా కరిమి కూడా ఓ షాకింగ్​ విషయాన్ని బయటపెట్టింది. ఓ డైరెక్టర్​తో తాను సీక్రెట్​ రిలేషన్​షిప్​లో ఉన్నట్లు తెలిపింది.

"ఓ బడా డైరెక్టర్​తో రహస్యంగా రిలేషన్​షిప్​లో ఉన్నాను. కొద్ది కాలంలోనే మేము బాగా దగ్గరైపోయాం. నా మాజీ భర్త నుంచి డివర్స్​ వచ్చేవరకు దీన్ని సీక్రెట్​గా ఉంచాలని అనుకున్నాం. ఈ క్రమంలోనే గర్భవతి అయ్యాను. ఈ విషయాన్ని అతనికి చెప్పాను. కానీ అతడు తండ్రి బాధ్యతలు తీసుకునేందుకు మానసికంగా సిద్ధంగా లేనట్లు తెలిపాడు. దీంతో నేను అబర్షన్​ చేయించుకున్నాను." అని మందానా తెలిపింది. కాగా, మందానా 2017లో గౌరవ్​ గుప్తా అనే బిజినెస్​మ్యాన్​ను వివాహమాడింది. కానీ పెళ్లి జరిగిన ఐదు నెలల్లోనే వీరు విడిపోయారు.

నటి మందానా అబార్షన్​

ఇదీ చూడండి: 'హరిహర వీరమల్లు' హైలైట్​.. వెయ్యి మందితో పవన్​కల్యాణ్​ ఫైట్​!