యంగ్ టైగర్ జూనియర్ ఎన్టీఆర్.. సూపర్ హిట్ చిత్రం 'వార్' సీక్వెల్తో బాలీవుడ్ ఎంట్రీ ఇవ్వబోతున్నారు. హ్యాండ్సమ్ స్టార్ హృతిక్ రోషన్తో స్క్రీన్ షేర్ చేసుకోబోతున్నారు. ఈ విషయాన్ని సినీ విశ్లేషకుడు తరణ్ ఆదర్శ్ కన్ఫార్మ్ చేశారు. దీంతో ఈ క్రేజీ కాంబోపై అటు నందమూరి అభిమానులతో పాటు దేశవ్యాప్తంగా సినీ ప్రియుల్లో విపరీతమైన ఆసక్తి నెలక్తొంది. 'వార్ 2'లో తారక్ పాత్ర ఏమై ఉంటుంది? ఎంత సేపు నిడివి ఉంటుంది? స్టోరీని మలుపు తిప్పేలా ఉంటుందా? అంటూ రకరకాల ఆలోచనలు వారి మెడదుల్లో మెదులుతున్నాయి. ఈ చిత్రంలో తారక్ను నటింపజేసేందుకు.. యశ్ రాజ్ ఫిల్మ్స్ అధినేత ఆదిత్య చోప్రా భారీగానే ఖర్చు చేస్తున్నట్లు వార్తలు వస్తున్నాయి.
అయితే ఇప్పుడు ఎన్టీఆర్ గురించి మరో ఆసక్తికరమైన వార్త బయటకు వచ్చింది. అదేంటంటే.. 'వార్ 2' కన్నా ముందే మరో చిత్రంతో తారక్ బాలీవుడ్ ఎంట్రీ ఇస్తారని కూడా ప్రచారాలు వినిపిస్తున్నాయి. ఆదిత్య చోప్రా YRF స్పై యూనివర్స్ బ్యానర్పై నిర్మిస్తున్న సల్మాన్ ఖాన్ 'టైగర్ 3' చిత్రంలో తారక్ గెస్ట్ రోల్లో కనిపించే అవకాశం ఉందట. ఈ సినిమాలో తారక్ పాత్రను పరిచయం చేసి.. దాన్ని 'వార్ 2'లో కొనసాగించేలా ప్లాన్ చేస్తున్నారట. మరి ఇందులో నిజమెంతో తెలీదు గానీ దీనిపై భారీ అంచనాలైతే నెలకొన్నాయి. ఎన్టీఆర్ సాలిడ్ సక్సెస్ దక్కించుకోవడం ఖాయమని అభిమానులు అంటున్నారు.
ఇకపోతే ఎన్టీఆర్ సౌత్తో పాటు నార్త్లోను ప్రస్తుతం ఫుల్ క్రేజ్ ఉండటం వల్ల.. 'టైగర్' మూవీలో కనిపించేలా ఆదిత్య చోప్రా ప్లాన్ చేస్తున్నారని టాక్ వినిపిస్తోంది. అప్పుడు సౌత్లో 'టైగర్' సినిమాకు మంచి బిజినెస్ జరుగుతుందని భావిస్తున్నారట. ఇది కనుక నిజమైతే.. ఎన్టీఆర్కు బ్యాక్ టు బ్యాక్ బాలీవుడ్ ప్రాజెక్ట్స్ ఉండే అవకాశం ఉంటుంది. ఇక 'వార్ 2' ఈ ఏడాది చివర్లో సెట్స్పైకి వెళ్లే అవకాశం ఉంది.
దీనికి 'బ్రహ్మస్త్ర' మూవీ డైరెక్టర్ అయాన్ ముఖర్జీ తెరెక్కకించనున్నారు. అయితే ఈ సినిమా కన్నా ముందు తారక్.. కొరటాల డైరెక్షన్లో 'NTR 30'ను పూర్తి చేయనున్నారు. ఇది పక్కా యాక్షన్ ఎంటర్టైనర్గా రూపొందనుంది. 'ఆర్ఆర్ఆర్' లాంటి బిగ్గెస్ట్ హిట్ అందుకున్న తర్వాత ఎన్టీఆర్ నటిస్తున్న చిత్రమిది. అందుకే ఇది ఎలా ఉండబోతుందా అని అభిమానుల్లో తెగ ఆసక్తి నెలకొంది. ప్రస్తుతం ఈ సినిమా రీసెంట్గా షూటింగ్ ప్రారంభించుకుంది.
ఫస్ట్ ఛాయిస్ రౌడీ హీరోనా?.. అయితే 'వార్ 2'లో ఎన్టీఆర్ కన్నా ముందు రౌడీ హీరో విజయ్ దేవరకొండను తీసుకోవాలని ప్లాన్ చేసిందట మూవీటీమ్. కానీ 'లైగర్' సినిమా డిజాస్టర్ అవ్వడం వల్ల తమ నిర్ణయాన్ని మార్చుకున్నారట. బాగా ఆలోచించి ఎన్టీఆర్ను సెలెక్ట్ చేసుకున్నారట.
ఇదీ చూడండి: 'దసరా'కు 100 కోట్లు.. మరి నాని కెరీర్లో టాప్-5 హైయెస్ట్ కలెక్షన్ మూవీస్ తెలుసా?
