కేజీయఫ్ 2, కాంతారతో ఈ ఏడాది దేశవ్యాప్తంగా గుర్తింపు పొందిన నిర్మాణ సంస్థ హోంబలే ఫిలిమ్స్.. ఓ సెన్సేషనల్ అనౌన్స్మెంట్ చేసింది. రాబోయే 5 ఏళ్లలో సినిమా రంగంలో రూ.3000 కోట్లు ఇన్వెస్ట్ చేయబోతున్నట్లు ప్రకటించింది. న్యూ ఇయర్ సందర్భంగా ఓ సుదీర్ఘ లేఖ రాసి పోస్ట్ చేశారు నిర్మాత విజయ్ కిరంగదూర్. ఇందులోనే ఈ విషయాన్ని చెప్పారు. ప్రజల సహకారంతో మరిన్ని మైలురాళ్లు సాధిస్తామని.. తమపై ప్రజలు చూపిస్తున్న ఆప్యాయత, ప్రేమకు ధన్యవాదాలు తెలిపారు. తమ సినిమాలను ఆదరిస్తూ తమపై మరింత భాద్యతను పెంచారని పేర్కొన్నారు.
ఈ దేశంలో ప్రతిభకు కొదవ లేదని.. ఆ ట్యాలెంట్‌ను ప్రోత్సహించేందుకుఎంటర్‌టైన్‌మెంట్ సెక్టర్‌లో ఈ భారీ పెట్టుబడులు పెట్టబోతున్నట్లు విజయ్ తెలిపారు. అంతకుముందు రీసెంట్ ఇంటర్వ్యూలో ఆయన మాట్లాడుతూ.. "ఏటా కనీసం ఐదారు చిత్రాలు మా బ్యానర్‌ కింద నిర్మించాలని లక్ష్యంగా పెట్టుకున్నాం. అందులో ఒక హిట్‌ సినిమాకు సీక్వెల్‌ ఉండబోతోంది. ఇక 'సలార్‌' పూర్తయ్యాక 'కేజీయఫ్-3'పై నీల్‌ దృష్టి పెట్టనున్నారని విజయ్ చెప్పారు. సలార్‌ పూర్తయ్యక.. కేజీయఫ్-3 స్క్రిప్ట్‌ పనులు మొదలు పెట్టనున్నారని తెలిపారు. నీల్‌ వద్ద ఇప్పటికే స్టోరీ లైన్ ఉందని, వచ్చే ఏడాది గానీ, ఆ మరుసటి ఏడాదిగానీ సాకారం కావొచ్చని చెప్పారు.
ఇదీ చూడండి: ఆ నటుడితో తమన్నా రొమాన్స్.. కిస్సింగ్ వీడియో వైరల్!
