Hanuman Movie Update Today : చైల్డ్‌ ఆర్టిస్ట్‌ నుంచి క్యారెక్టర్‌ ఆర్టిస్టుగా, అక్కడి నుంచి హీరోగా ఎదిగారు టాలీవుడ్ యువ కథానాయకుడు తేజ సజ్జ. ప్రస్తుతం ఆయన నటించిన హనుమాన్ చిత్రం సంక్రాంతికి విడుదలవుతోంది. అసలే సంక్రాంతికి మరో మూడు పెద్ద సినిమాలు రిలీజవుతున్నాయి. అందులో గుంటూరు కారం, సైంధవ్‌, నా సామిరంగ సినిమాలున్నాయి. పెద్ద హీరోల సినిమాలు రిలీజ్ అవుతున్నా హనుమాన్ వెనక్కు తగ్గలేదు. వాటితో పాటు ఈ సినిమా కూడా సంక్రాంతికే రిలీజవుతుందని నిర్మాతలు మరీ మరీ చెబుతున్నారు. దీంతో ఈసారి సంక్రాంతి పోటీ రసవత్తరంగా మారింది.
ఈ క్రమంలో పాన్‌ ఇండియా నిర్మాత అభిషేక్ అగర్వాల్ హీరో తేజ సజ్జాకు ఓ బహుమతినిచ్చారు. హీరోను కలిసి ఓ మహిమాన్విత బంగారు ఉంగరాన్ని గిఫ్ట్‌గా ఇచ్చారట! ఇందుకు సంబంధించిన ఫొటో సోషల్‌ మీడియాలో వైరల్‌గా మారింది. సాధారణంగా ఏదైనా సినిమా హిట్టయ్యాక సదరు నిర్మాత హీరోకు బహుమతి ఇస్తుంటారు. ఇక్కడ సినిమా రిలీజవకముందే వేరే నిర్మాత వచ్చి హీరోను అభినందిస్తూ గిఫ్ట్ ఇవ్వడం విశేషం.
మరోవైపు, మూవీ ప్రీ రిలీజ్ ఈవెంట్ను చిత్ర యూనిట్ చాలా గ్రాండ్గా నిర్వహించబోతుంది. ఆ గ్రాండియర్లో చిరంజీవి ముఖ్య అతిథి కాబోతున్నారు. జనవరి 7న ఆదివారం హైదరాబాద్ ఎన్ కన్వెన్షన్ హాల్లో హనుమాన్ ప్రీ రిలీజ్ ఈవెంట్ జరగబోతుంది. మరి హనుమాన్ సినిమా అంటే చిరంజీవి రాకుంటే ఇంకెవరు వస్తారు! సినిమాని మరింత ఆడియన్స్లోకి తీసుకువెళ్లడానికి చిరంజీవి ముఖ్య అతిథిగా ప్రీ రిలీజ్ ఈవెంట్కు రాబోతున్నారు.
కాగా ఈ సినిమాలో చిరంజీవి కూడా కనిపించబోతున్నారని టాక్ వినిపిస్తోంది. ఇటీవల రిలీజైన ట్రైలర్ క్లైమాక్స్ షాట్లో ఆంజనేయస్వామి కళ్లు తెరిచినట్టు సీన్ చూపించారు. అయితే ఆ కళ్లు చూడడానికి చిరంజీవి కళ్లలా ఉన్నాయంటూ అందరూ కామెంట్స్ చేస్తున్నారు. ఈ మూవీలో హనుమంతుడి పాత్ర కోసం పరమ భక్తుడైన చిరంజీవి రూపాన్ని ఇప్పుడు ఉపయోగించారని తెలుస్తోంది. హనుమంతుడి లుక్ అందర్నీ ఆశ్చర్యపరుస్తుందంటూ దర్శకుడు చెప్పుకొచ్చారు. మరి ఆ లుక్ ని ప్రీ రిలీజ్ ఈవెంట్లో రివీల్ చేస్తారేమో చూడాలి.
-
My #GodFather for our #HanuMan ❤️@PrasanthVarma @Primeshowtweets pic.twitter.com/9dyebsLNs5
— Teja Sajja (@tejasajja123) January 4, 2024 " class="align-text-top noRightClick twitterSection" data="
">My #GodFather for our #HanuMan ❤️@PrasanthVarma @Primeshowtweets pic.twitter.com/9dyebsLNs5
— Teja Sajja (@tejasajja123) January 4, 2024My #GodFather for our #HanuMan ❤️@PrasanthVarma @Primeshowtweets pic.twitter.com/9dyebsLNs5
— Teja Sajja (@tejasajja123) January 4, 2024
సినిమా విషయానికి వస్తే ప్రశాంత్ వర్మ దర్శకత్వం వహించగా ప్రైమ్ షో ఎంట‌ర్‌టైన్‌మెంట్ బ్యానర్‌పై కె.నిరంజన్‌ రెడ్డి నిర్మించారు. ఈ మూవీలో అమృత అయ్యర్ హీరోయిన్గా నటిస్తుండగా, వరలక్ష్మి శరత్ కుమార్ ముఖ్య పాత్రలో నటిస్తోంది. ఈ చిత్రం ప్రశాంత్ వర్మ సినిమాటిక్ యూనివర్స్ మొదటి మూవీగా వస్తుంది. ఈ చిత్రాన్ని తెలుగుతో పాటు వరల్డ్ వైడ్ గా శ్రీలంక, చైనా, జపాన్, ఆస్ట్రేలియా, అమెరికా, స్పెయిన్, జర్మనీ ఇలా అనేక కంట్రీస్ లో మొత్తం 11 భాషల్లో రిలీజ్ చేయబోతున్నారు.
హనుమాన్లోని 'శ్రీరామ దూత' సాంగ్ విన్నారా? గూస్ బంప్స్ గ్యారెంటీ!
