Guntur Kaaram Ticket Prize : మాటల మాంత్రికులు త్రివిక్రమ్ శ్రీనివాస్ - టాలీవుడ్ సూపర్ స్టార్ మహేశ్ బాబు కాంబినేషన్లో రూపొందిన లేటెస్ట్ మూవీ 'గుంటూరు కారం'. ఇప్పటికే ట్రైలర్, టీజర్తో ఆకట్టుకున్న ఈ మూవీ జనవరి 12న ప్రేక్షకుల ముందుకు రానుంది. ఈ నేపథ్యంలో ఈ చిత్ర విడుదల పనుల్లో మూవీ టీమ్ బిజీగా ఉంది. అయితే తాజాగా 'గుంటూరు కారం' మూవీ టికెట్ ధరల పెంపునకు తెలంగాణ ప్రభుత్వం అనుమతి ఇచ్చింది. ఈ మేరకు సింగిల్ స్క్రీన్స్లో రూ. 65, మల్టీఫ్లెక్స్ థియేటర్లలో రూ.100 రూపాయలు పెంచుకునేందుకు వెసులుబాటు కల్పించినట్లు పేర్కొంది. ఈ మేరకు ఓ ప్రకటన ద్వారా ఉత్తర్వులు జారీ చేసింది.
ఇక నైజాంలో ఆ చిత్రాన్ని విడుదల చేస్తున్న శ్రీవెంకటేశ్వర ఫిల్మ్స్ సంస్థ టికెట్ ధరల పెంపు, బెన్ ఫిట్ షో తోపాటు అదనపు ఆటలకు అనుమతి ఇవ్వాలంటూ ఇటీవలే ప్రభుత్వానికి విజ్ఞప్తి చేసింది. ఆ విజ్ఞప్తిని క్షుణ్ణంగా పరిశీలించిన ప్రభుత్వం ఈ నెల 12 నుంచి 18 వరకు వారం రోజులపాటు టికెట్ ధరల పెంపునకు అనుమతి ఇచ్చింది. అలాగే ఉదయం 4 గంటల ఆటతో ఆరో షోను వేసుకోవచ్చు అంటూ సూచించింది. అంతేకాకుండా రాష్ట్రవ్యాప్తంగా 23 చోట్ల ఈ నెల 12న అర్థరాత్రి 1 గంట నుంచి గుంటూరు కారం బెన్ ఫిట్ షోలను థియేటర్లలో వేసుకునే అనుమతిస్తూ ఉత్తర్వులు జారీ చేసింది.
- " class="align-text-top noRightClick twitterSection" data="">
Guntur Kaaram Trailer 24 Hours Record : మరోవైపు 'గుంటూరు కారం' ట్రైలర్ యూట్యూబ్లో రికార్డులు బద్దలుకొడుతోంది. ఈ పవర్ప్యాక్డ్ ఎంటర్టైన్మెంట్ ట్రైలర్ సోషల్ మీడియాలో ట్రెండింగ్లో నెం. 1లో ఉండటమే కాకుండా, 24 గంటల్లో ఏకంగా 39 మిలియన్ వ్యూస్ సాధించింది. ఈ క్రమంలో సౌత్ ఇండస్ట్రీలో 24 గంటల్లో అత్యధిక వ్యూవర్షిప్ సాధించిన ట్రైలర్గా 'గుంటూరు కారం' రికార్డు సృష్టించింది. ఇదివరకు ఈ రికార్డు 'సలార్' పేరిట ఉంది. ఇటీవల రీలీజైన 'సలార్' ట్రైలర్కు 24 గంటల్లో 32.50 మిలియన్ వ్యూస్ వచ్చాయి.
ఘాటెక్కనున్న 'గుంటూరు కారం' - టికెట్ ధర పెంపునకు గ్రీన్ సిగ్నల్ - మల్టీప్లెక్స్లో ఎంతంటే ?
