IIFA 2023 awards : దుబాయ్‌ వేదికగా ఇంటర్నేషనల్‌ ఇండియన్‌ ఫిల్మ్‌ అకాడమీ అవార్డులు (ఐఫా)-2023 ప్రదానోత్సవం అట్టహాసంగా జరిగింది. బాలీవుడ్ స్టార్ హీరో సల్మాన్‌ఖాన్‌, యంగ్ హీరో విక్కీ కౌశల్‌, వరుణ్‌ ధావన్‌, హీరోయిన్స్ రకుల్‌ ప్రీత్‌ సింగ్‌, నోరా ఫతేహి సహా పలువురు నటీనటులు ఈ వేడుకలో పాల్గొని సందడి చేశారు. వేడుకలో భాగంగా భిన్న ఫ్యాషన్‌ డ్రెస్సులో గ్రీన్‌ కార్పెట్‌పై హొయలొలికించారు. కెమెరాలకు అదిరిపోయే పోజులు ఇవ్వడంతో పాటు స్టేజ్పై తమ అనుభవాలను మీడియా ప్రతినిధులతో పంచుకున్నారు. ఇక ఈ వేడుకలో 'ఐఫా 2023' టెక్నికల్ అవార్డులను అందజేశారు. సినిమాటోగ్రఫీ, ఎడిటింగ్‌, స్క్రీన్‌ప్లే, కొరియోగ్రఫీ.. ఇలా తొమ్మిది విభాగాల్లో ఈ పురస్కారాలను అందించారు. అయితే వీటిలో స్క్రీన్‌ప్లే, డైలాగ్స్‌, సినిమాటోగ్రఫీ వంటి కీలక అవార్డులను.. స్టార్ దర్శకుడు సంజయ్‌ లీలా భన్సాలీ తెరకెక్కించిన 'గంగూబాయి కాఠియావాడి' అందుకుంది. ఆ తర్వాత యంగ్ హీరో కార్తిక్‌ ఆర్యన్‌ నటించిన 'భూల్ భూలయ్యా-2' రెండు పురస్కారాలను దక్కించుకుంది.
- " class="align-text-top noRightClick twitterSection" data="">
అవార్డులు-విజేతలు:
- బెస్ట్‌ సినిమాటోగ్రఫీ: సందీప్‌ ఛటర్జీ (గంగూబాయి కాఠియావాడి)
- బెస్ట్‌ డైలాగ్స్‌: ఉత్కర్షిణి వశిష్ఠ, ప్రకాశ్‌ కాపాడియా (గంగూబాయి కాఠియావాడి)
- బెస్ట్‌ స్క్రీన్‌ప్లే: సంజయ్‌ లీలా భన్సాలీ, ఉత్కర్షిణి వశిష్ఠ (గంగూబాయి కాఠియావాడి)
- బెస్ట్‌ కొరియోగ్రఫీ: బోస్కో-సీజర్ (భూల్ భులయ్యా-2)
- బెస్ట్‌ ఎడిటింగ్‌: సందీప్‌ ఫ్రాన్సిస్‌ (దృశ్యం 2)
- బెస్ట్‌ విజువల్‌ ఎఫెక్ట్స్‌: రెడిఫైన్‌ (బ్రహ్మాస్త్ర)
- బెస్ట్‌ సౌండ్‌ డిజైన్‌: మందార్‌ కులకర్ణి (భూల్ భులయ్యా-2)
- బెస్ట్‌ సౌండ్‌ మిక్సింగ్‌: గుంజన్‌ ఏ షా, బోలోయ్ కుమార్ (మౌనికా ఓ మై డార్లింగ్‌)
- బెస్ట్‌ బ్యాక్‌గ్రౌండ్ స్కోర్‌: శ్యామ్‌ సీఎస్‌ (విక్రమ్‌ వేద)
ఆలియా నటనకు ప్రశంసలు.. కీలకమైన ఎక్కువ టెక్నికల్ అవార్డులను అందుకున్న గంగూబాయి సినిమా విషయానికొస్తే.. ముంబయి మాఫియా మహిళాడాన్‌గా పేరు పొందిన గంగూబాయి జీవితాన్ని ఆధారంగా చేసుకుని ఈ సినిమాను రూపొందించారు. హీరోయిన్ ఆలియా భట్‌ ప్రధాన పాత్రలో నటించారు. ఈ చిత్రానికి 'రామ్‌లీలా', 'పద్మావత్‌', 'బాజీరావ్‌ మస్తానీ' వంటి సినిమాలను తెరకెక్కించిన సంజయ్‌ లీలా భన్సాలీ దర్శకత్వం వహించారు. ఎన్నో వివాదాలను ఎదుర్కొన్న ఈ చిత్రం.. గతేడాది విడుదలై బాక్సాఫీస్ వద్ద మంచి వసూళ్లను అందుకోవడంతో పాటు సూపర్ హిట్‌ టాక్ను దక్కించుకుంది. ఇందులో ఆలియా నటనకు విమర్శకుల ప్రశంసలు దక్కాయి. ఇక రెండు అవార్డులను అందుకున్న 'భూల్ భులయ్య'.. బాలీవుడ్ బాక్సాఫీస్ డీలా పడిన సమయంలో విడుదలై మంచి వసూళ్లను అందుకుని.. ఇండస్ట్రీకి కాస్త ఊపిరినిచ్చింది.
ఇదీ చూడండి :
'జురాసిక్‌ పార్క్‌' మూవీని రిజెక్ట్ చేసిన శ్రీదేవి.. ఎందుకంటే?
