Venky Atluri Dulquer Salman : మలయాళ మెగాస్టార్ మమ్ముట్టి తనయుడిగా సిల్వర్ స్క్రీన్ ఎంట్రీ ఇచ్చిన దుల్కర్ సల్మాన్.. వరుస సినిమాలు చేస్తూ ఇండస్ట్రీలో తనకంటూ ప్రత్యేక గర్తింపు తెచ్చుకున్నారు. జయపజయాలతో సంబంధం లేకుండా మలయాళం, తమిళ, హిందీ, తెలుగు.. ఇలా అన్ని భాషల్లో సినిమాలు చేస్తూ కెరీర్లో ముందుకెళ్తున్నారు. ఆయన ఏ భాషల్లో నటిస్తే అక్కడి ప్రేక్షకులు దుల్కర్ను సొంతవాడిగా ఓన్ చేసుకుంటున్నారు. అయితే 'మాహానటి' చిత్రంతో తెలుగులోకి ఎంట్రీ ఇచ్చిన ఆయన రీసెంట్గా 'సీతారామం' చిత్రంతో ఇక్కడ అభిమానుల్లో ప్రత్యేక స్థానాన్ని సంపాదించుకున్నారు. ఆడియెన్స్లో ఫుల్ క్రేజ్‌తో పాటు ఇక్కడ కూడా మంచి మార్కెట్‌ను కూడా ఏర్పరచుకున్నారు. ఇప్పుడు ఆయన మరో తెలుగు సినిమాకు కమిట్ అయ్యారు.
ఇటీవలే తమిళ స్టార్ హీరో ధనుశ్తో 'సార్' సినిమాను రూపొందించి విజయాన్ని అందుకున్న వెంకీ అట్లూరీతో మూవీ చేసేందుకు గ్రీన్ సిగ్నల్ ఇచ్చారు. 'సార్' సినిమాను నిర్మించిన సితార ఎంటర్టైన్మెంట్స్ సంస్థే ఈ చిత్రాన్ని నిర్మించనుంది. సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మించనున్నారు. శ్రీకర స్టూడియోస్ సమర్పించనుంది. తాజాగా నిర్మాణ సంస్థ.. దుల్కర్-అట్లూరీ కాంబో గురించి అధికారికంగా ప్రకటన చేసింది. ఈ మేరకు వెంకీ అట్లూరి, దుల్కర్ సల్మాన్, నాగవంశీ ముగ్గురు కలిసి దిగిన ఫోటోను పంచుకుంది. 'ఉబర్ కూల్ ఈజ్ బ్యాక్' అని క్యాప్షన్ రాసుకొచ్చింది. ప్రస్తుతం ప్రీ ప్రొడక్షన్‌ పనులు జరుపుకుంటున్న ఈ సినిమా అక్టోబర్‌లో సెట్స్‌ మీదకు వెళ్లనుందని తెలిపింది. వచ్చే ఏడాది సమ్మర్‌లో ప్రేక్షకుల ముందుకు రానున్నట్లు పేర్కొంది. ఈ మూవీలో నటించనున్న మిగతా నటీనటులు, సాంకేతిక సిబ్బందికి సంబంధించిన వివరాలు త్వరలోనే తెలియజేయనున్నారు. ఈ చిత్రం కోసం యూనివర్సల్ కాన్సెప్ట్ రెడీ చేశారని తెలిసింది. దుల్కర్కు అన్ని భాషల్లో మంచి మార్కెట్ ఉంది కాబట్టి.. పాన్ ఇండియా స్థాయిలో ఈ చిత్రాన్ని రిలీజ్ చేసే అవకాశం ఉంది.
కాగా, దుల్కర్.. ప్రస్తుతం కింగ్ ఆఫ్‌ కొత అనే మలయాళ సినిమా చేస్తున్నారు. ఐశ్వర్య లక్ష్మీ సహా మరికొందరు కీలక పాత్రలు పోషిస్తున్నారు. పోస్ట్‌ ప్రొడక్షన్‌ పనులు జరుపుకుంటున్న ఈ సినిమా ఆగస్టులో రిలీజ్ కానుంది. ఈ చిత్రం మ్యూజిక్ రైట్స్ను.. దిగ్గజ సంస్థ 'సోనీ మ్యూజిక్' దక్కించుకుంది.
మంచి హిట్ అవుతుందని.. 'సార్' సినిమాతో సూపర్ హిట్ అందుకున్న దర్శకుడు వెంకీ అట్లూరీ.. దుల్కర్ సల్మాన్తో చేయబోయే చిత్రంతోనూ మెప్పిస్తారని సినీ ప్రియులు ఆశిస్తున్నారు. ఈ చిత్రం కూడా మంచి క్వాలిటీ అండ్ కంటెంట్ ఓరియెంటేడ్ సినిమాగా ఉంటుందని భావిస్తున్నారు. ఇకపోతే సితార ఎంటర్టైన్మెంట్స్, ఫార్చూన్ ఫోర్ సినిమాస్ సంస్థ సంయుక్తంగా కలిసి.. పంజా వైష్ణవ్ తేజ్, శ్రీ లీల జంటగా ఓ సినిమా నిర్మిస్తున్నాయి. 'డీజే టిల్లు' హిట్ తర్వాత సిద్ధు జొన్నలగడ్డతో 'టిల్లు స్క్వేర్' తెరకెక్కిస్తోంది. అలాగే సితార.. తన మాతృసంస్థ హారిక అండ్ హాసిని క్రియేషన్స్ బ్యానర్పై సూపర్ స్టార్ మహేశ్ బాబు-త్రివిక్రమ్తోనూ ఓ సినిమా చేస్తోంది.
ఇదీ చూడండి: బాలయ్య వల్ల దెబ్బలు తిన్న అడివి శేష్.. ట్రాన్స్‌ఫార్మర్‌ పేల్చేసిన ఎన్టీఆర్!
