Chiranjeevi Akhil Socio Fantasy Movies : మెగాస్టార్ చిరంజీవి రీసెంట్గా 'భోళాశంకర్' సినిమాతో ప్రేక్షకుల ముందుకొచ్చారు. మెహెర్ రమేశ్ దర్శకత్వంలో తెరకెక్కిన ఈ చిత్రం శుక్రవారం థియేటర్లలో విడుదలైంది. తమన్న, కీర్తి సురేశ్ లాంటి భారీ తారాగణంతో రూపొందిన ఈ మూవీ ప్రస్తుతం బాక్సాఫీస్ ముందు డిజాస్టర్ టాక్ అందుకుంది. దీంతో చిరు ఫ్యాన్స్ తీవ్ర అసంతృప్తి వ్యక్తం చేస్తున్నారు. అయితే ఈ సినిమాను ఏకే బ్యానర్స్ ఎంటర్టైన్మెంట్స్పై అనిల్ సుంకర నిర్మించారు.
Akhil Agent Production House : ఇక ఇదే నిర్మాణ సంస్థ నుంచి అక్కినేని అఖిల్ 'ఏజెంట్' సినిమా కూడా గతంలో విడుదలై భారీ డిజాస్టర్ను అందుకున్న సంగతి తెలిసిందే. భారీ అంచనాల నడుమ వచ్చిన ఈ సినిమా ప్రేక్షకులను తీవ్రంగా నిరాశపరిచింది. అఖిల్ తీవ్రంగా శ్రమించి మునుపెన్నడు లేని లుక్లో కనిపించినప్పటికీ.. అది సినిమా ఫలితాలను మార్చలేకపోయింది. అలా ఈ రెండు సినిమాలు అనిల్ సుంకరకు భారీ నష్టాన్ని చేకూర్చాయి.
అయితే ఏ హీరోయైనా తమ లేటెస్ట్ మూవీ రిజల్ట్ రాగానే ఇక దాన్ని పక్కనపెట్టేసి మరో సినిమాను సెట్స్పైకి తీసుకెళ్లేందుకు రెడీ అయిపోతారు. అందుకు సంబంధించిన ఏర్పాట్లు చేసుకుంటుంటారు. అలాగే ఇప్పుడు చిరు-అఖిల్ కూడా అదే చేస్తున్నారు. అఖిల్ తన కొత్త సినిమా 'అఖిల్ 6' కోసం హోమ్వర్క్ చేస్తున్నారు. ఈ సినిమాను కొత్త దర్శకుడిగా పరిచయం కానున్న అనిల్ కుమార్ రూపొందిచనున్నారని తెలిసింది.
- " class="align-text-top noRightClick twitterSection" data="">
Chiranjeevi Vasista Movie : అలాగే మెగాస్టార్ చిరంజీవి కూడా తన అప్కమింగ్ మూవీపై దృష్టి సారిస్తున్నారు. 'భోళాశంకర్' తర్వాత వరుస సినిమాలను లైన్లో పెట్టిన ఆయన.. 'బింబిసార' దర్శకుడు వశిష్ఠకు గ్రీన్ సిగ్నల్ ఇచ్చారని తెలిసింది. ఆయన దర్శకత్వంలో ఓ సినిమా చేస్తున్నారు. ఈ ఏడాది నవంబర్‌లో ఈ సినిమా మొదలుకానున్నట్టు తెలుస్తోంది. ఇందుకోసం తన కాల్షీట్లోని కొన్ని డేట్లను కూడా మెగాస్టార్ కేటాయించారట.
అయితే ఇక్కడ విశేషమేమిటంటే.. యాదృశ్చికంగా ఈ రెండు సినిమాలు సోషియో ఫ్యాంటసీలుగా రూపొందనుందని తెలిసింది. పైగా ఈ రెండు సినిమాలు యూవీ బ్యానర్స్లోనే రానుండటం మరో విశేషం. మరి ఈ రెండు సినిమాలు ఎలాంటి రిజల్ట్ను అందుకుంటాయో? యూవీ క్రియేషన్స్ను లాభాలు తెచ్చిపెడతాయో లేదో..
- " class="align-text-top noRightClick twitterSection" data="">
