మెగాస్టార్ చిరంజీవి, మెగా పవర్స్టార్ రామ్చరణ్ తేజ్ నటించిన చిత్రం ఆచార్య. ఈ సినిమాకు సంబంధించిన తాజా అప్డేట్ వచ్చేసింది. ఈ మూవీ నుంచి 'భలే భలే బంజారా' పాటను ఈ నెల 18న తేదీన విడుదల చేయనున్నట్లు చెప్పింది చిత్ర బృందం. అయితే ఈ అప్డేట్ సందర్భంగా ఆసక్తికరమైన వీడియోను విడుదల చేసింది.
ఈ వీడియోలో చిరంజీవి, రామ్చరణ్, దర్శకుడు కొరటాల శివ మాట్లాడుకుంటూ కనిపించారు. చరణ్తో డ్యాన్స్ వేసే సమయంలో.. తాను టెన్షన్గా ఫీలయ్యాను అంటూ చెప్పారు మెగాస్టార్. ఈ సందర్భంగా కొరటాల మాట్లాడుతూ.. ' మీ ఇద్దరి డ్యాన్స్ చూడాలని తనకు అనేకమంది ఫోన్ చేశారు' అని పేర్కొన్నారు.
- " class="align-text-top noRightClick twitterSection" data="">
ఈ వీడియోలో చివరిగా చిరంజీవి, రామ్చరణ్ మధ్య ఆసక్తికరమైన సంభాషణ జరిగింది. ' ఏం చరణ్.. సాంగ్లో నన్ను డామినేట్ చేద్దామనుకున్నావా? నీ బాబును రా నేను' అని చిరంజీవి.. రామ్చరణ్ను బెదిరించినట్లు వ్యాఖ్యానించారు. అలాగే చరణ్ కూడా ' నేను తగ్గను డాడీ' అని రిప్లై ఇవ్వడం ఆకట్టుకుంది. సీరియస్ మోడ్లో సరదాగా సాగిన ఈ సంభాషణ చూసి అభిమానులు పండుగ చేసుకుంటున్నారు.
ఇదీ చదవండి: మాధవన్ కుమారుడి ఘనత.. డానిష్ ఓపెన్ స్విమ్మింగ్లో సిల్వర్
