Atiya Shetty KL Rahul : ఆసియా కప్ సూపర్ 4 మ్యాచ్లో పాకిస్థాన్ను చిత్తు చేసిన రోహిత్ సేన ఇప్పుడు అందరి ప్రశంసలు పొందుతూ దూసుకెళ్తోంది. ఎక్కడ చూసిన మన భారత ప్లేయర్లు ఆడిన తీరు గురించే చర్చలు కొనసాగుతున్నాయి. అభిమానుల నుంచి మాజీల వరకూ అందరూ మన ప్లేయర్లను పొగడ్తలతో ముంచెత్తుతున్నారు. ముఖ్యంగా కేఎల్ రాహుల్, విరాట్ కోహ్లి లాంటి పరుగుల వీరులను నెట్టింట అభిమానులు కొనియాడుతున్నారు. గాయం నుంచి కోలుకున్న కేఎల్ రాహుల్ పాకిస్థాన్‌తో సూపర్-4 మ్యాచ్లో సూపర్ ఇన్నింగ్స్‌తో తన ఆటతీరుపై అందరికీ ఉన్న అనుమానాలకు ఫుల్ స్టాప్ పెట్టాడు. బలమైన పాక్ బౌలర్లను ఎదుర్కొంటూ సుదీర్ఘ సమయం ఏ తడబాటూ లేకుండా బ్యాటింగ్‌ చేయడమే కాక.. చక్కటి స్ట్రోక్‌ప్లేతో మెప్పించాడు. దీంతో బాలీవుడ్ నటి అతియా శెట్టి తన భర్త కేఎల్ రాహుల్‌ను అభినందిస్తూ ఇన్స్టాగ్రామ్లో ఓ ఎమోషనల్ పోస్ట్ షేర్ చేసింది.
" చీకటి కూడా రాత్రి వరకు మాత్రమే ఉంటుంది. ఆ తర్వాత అది క్రమ క్రమంగా ముగుస్తుంది. అలాగే సూర్యుడు తప్పకుండా మళ్లీ ఉదయిస్తాడు. మీరే నాకు సర్వస్వం, నేను మిమల్ని ఆరాధిస్తాను. (#1).' అని ఆమె పోస్ట్ చేసింది. దీంతో రాహుల్ ఫ్యాన్స్ ఆనందంతో సంబరాలు చేసుకుంటున్నారు.
Anushka Sharma Asia Cup : మరోవైపు ఇదే మ్యాచ్లో సెంచరీ సాధించిన రన్నింగ్ మెషిన్ విరాట్ కోహ్లిపై తన సతీమణి అనుష్క శర్మ కూడా ప్రశంసల జల్లును కురిపించింది. తన ఇన్స్టా స్టోరీలో విరాట్ సెంచరీ చేసిన ఫొటోను షేర్ చేసింది. సూపర్ ఇన్నింగ్స్ ఆడావు.. సూపర్ గయ్.. అంటూ తన భర్తను కొనియాడింది. ప్రస్తుతం ఈ రెండు పోస్ట్లు నెట్టింట తెగ వైరల్ అవుతున్నాయి.
KL Rahul Asia Cup 2023 : తన ఆట తీరుతో ఆకట్టుకున్న కెఎల్ రాహుల్.. మైదానంలో పాక్ ఆటగాళ్ల పట్ల తన ప్రవర్తనతోనూ అభిమానుల మనసును గెలుచుకున్నాడు. రవీంద్ర జడేజా వేసిన బంతి బౌన్స్‌ అయి పాకిస్థాన్ బ్యాటర్‌ అఘా సల్మాన్‌ ముఖం మీద తాకింది. దీంతో అతడి కంటి కింద గాయమై రక్తం కారింది. ఇ గమనించిన రాహుల్ అఘా వద్దకు వచ్చి పరామర్శించాడు. వెంటనే సిబ్బందికి సమాచారం ఇచ్చేలా చేశాడు. ఇలా అఘా పట్ల ప్రవర్తించిన తీరును చూసిన నెటిజన్లు రాహుల్ ప్రశంసలు కురిపిస్తున్నారు.
Asia Cup 2023 IND VS PAK : కోహ్లీ-కేఎల్ రాహుల్ సెంచరీ.. పాకిస్థాన్ ముందు భారీ లక్ష్యం..
