Alia Bhatt First Audition : బాలీవుడ్ యంగ్ బ్యూటీ ఆలియా భట్ కెరీర్లో మంచి ఫామ్లో ఉంది. 12 ఏళ్లకే 'స్టూడెంట్ ఆఫ్ ది ఇయర్' సినిమాతో తెరంగేట్రం చేసి తక్కువ సమయంలోనే స్టార్ హోదా తెచ్చుకుందీ భామ. స్టార్ కిడ్గా ఇండస్ట్రీలోకి ఎంట్రీ ఇచ్చినా, సొంత ప్రతిభతోనే ఎదిగింది ఆలియా. ఇటీవల 2023 నేషనల్ అవార్డ్స్లో ఉత్తమ నటి అవార్డు దక్కించుకోవడమే ఇందుకు నిదర్శనంగా చెప్పవచ్చు. అయితే సినిమాల్లోకి వచ్చే ముందు ఫస్ట్ ఆడిషన్ను ఆలియా తాజాగా గుర్తుచేసుకుంది.
'ఇంటర్మీడియట్ చదువుతున్నప్పుడు ఒకరోజు నాకు ఫోన్ వచ్చింది. కరణ్ జోహార్తో మీటింగ్ ఉన్నట్లు ఆ కాల్లో చెప్పారు. వెంటనే కాలేజీ యూనిఫామ్తోనే ఆయన ఆఫీస్కు వెళ్లా. అప్పుడు నేను కొంచెం బొద్దుగా ఉండేదాన్ని. ఆఫీస్లో కరణ్ ఆడిషన్ ఇవ్వమన్నారు. నాకు అప్పుడు ఆడిషన్ అంటే ఏంటో నిజంగా తెలీదు. ఏదో నాకు వచ్చింది చేశా. అంతే యూ ఆర్ సెలెక్టెడ్ అన్నారాయన. అప్పుడు నా కళ్లలో నీళ్లు తిరిగాయి. అదే సమయంలో అక్కడ కేక్ ఉంది. ఆ ఆనందంలో కేక్ తినొచ్చా? అని అడిగా. కేక్లు కళ్లెదుట ఆగలేను. నాకు ఫుడ్ అంటే అంత ఇష్టం. ఈ విషయం తెలిసిన మా అమ్మ సినిమాల్లోకి వెళ్తానంటే వెనుకాడింది. కానీ, నాన్న సపోర్ట్గా నిలిచారు' అని పాత విషయాలు గుర్తుచేసుకుంది.
ఇక ఈ అమ్మడు ఆర్ఆర్ఆర్ సినిమాతో తెలుగు ప్రేక్షకులకు పరిచయమైంది. తర్వాత 'బ్రహ్మాస్త్ర'తో పలకరించింది. ఇక రీసెంట్గా 'రాఖీ ఔర్ రాణీ కీ ప్రేమ్ కహానీ' సినిమాతో థియేటర్లలో సందడి చేసింది. ప్రస్తుతం ఆలియా 'జిగ్రా' సినిమా షూటింగ్లో బిజీగా ఉంది.
Alia- Ranbir Wedding : గతేడాది ఏప్రిల్లో ఆలీయా, బాలీవుడ్ స్టార్ హీరో రణ్బీర్ కపూర్ను పెళ్లి చేసుకుంది. ఈ జంటకు 2022 నవంబర్ 6న రాహా అనే ఆడబిడ్డ జన్మించింది. ప్రస్తుతం ఆలియా అటు ఫ్యామిలీని చూసుకుంటూనే, ఇటు సినీ కెరీర్నూ బ్యాలెన్స్ చేస్తుంది.
వన్ పీస్ డ్రెస్లో ఆలియా క్యూట్ ఫొటోస్ - లుక్స్ అదిరిపోయాయిగా!
సో బ్యూటిఫుల్- సో ఎలిగెంట్- జస్ట్ లుకింగ్ లైక్ ఏ వావ్ ఆలియా!
