పాత్ర ఏదైనా సరే.. దానిలో పరకాయ ప్రవేశం చేసి.. ఆయా పాత్రలకు జీవం పోస్తారు కొంతమంది నటులు. ఈ కేటగిరిలో ముందు వరుసలో ఉంటాడు విజయ్ సేతుపతి. పాత్ర నచ్చితే చాలు.. దాని కోసం ఏం చేయడానికి అయినా సిద్ధపడతాడు. అలా తన అద్భుతమైన నటనతో ప్రేక్షకుల్ని ఎంతగానో అలరించారు. అయితే విలక్షణ నటుడిగా ఎంతటి క్రేజ్.. ఫ్యాన్‌ ఫాలోయింగ్‌ సంపాదించుకున్నాడో.. ఈ మధ్య కాలంలో అంతకన్నా ఎక్కువగా ట్రోలింగ్‌ బారిన పడ్డారు. అందుకు కారణం అధిక బరువు. దీంతో బాడీ షేమింగ్ ట్రోల్స్కు గురయ్యాడు. నెటిజన్లు ఆయన లుక్‌పై తెగ విమర్శలు చేశారు. సినిమాలు సరే.. కాస్త నీ బాడీ, లుక్‌పై దృష్టి పెట్టు అంటూ కామెంట్స్‌ చేశారు.
ఈ నేపథ్యంలో తాజాగా విజయ్ సేతుపతి నయా లుక్ చూసి నెటిజనులు ఆశ్చర్యపోతున్నారు. స్లిమ్‌, అండ్‌ హ్యాండ్‌సమ్‌ లుక్‌లో కనిపించి.. ట్రోలర్స్కు, ఫ్యాన్స్‌కు షాకిచ్చారు. ప్రస్తుతం ఈ న్యూలుక్‌ ఫోటోలు నెట్టింట వైరల్గా మారింది. ఎంతలో ఎంత మార్పు.. లుక్ సూపర్బ్‌గా ఉంది బ్రో.. ఇదే కంటిన్యూ చేయ్‌ అంటూ కామెంట్స్‌ చేస్తున్నారు ఫ్యాన్స్. కాగా, సూపర్‌ డీలక్స్‌, ఉప్పెన, విక్రమ్‌, 96 సహా పలు చిత్రాలతో పాన్ ఇండియా స్థాయిలో క్రేజ్ సంపాదించుకున్న విజయ్ ప్రస్తుతం మైఖేల్, మెరీ క్రిస్మస్, విదుథలయ్, గాంధీ టాక్స్, ముంబైకర్, జవాన్ చిత్రాల్లో నటిస్తున్నారు.
ఇదీ చూడండి: ఏంటి పవన్ కల్యాణ్ మార్షల్ పోజు మంచు లక్ష్మీదా.. వైరల్గా మారిన పోస్ట్
