కరీంనగర్ శివారులోని బొమ్మకల్లో... ఓ పెట్రోల్ బంక్ వద్ద వాహనదారులు ఆందోళనకు దిగారు. పెట్రోల్లో నీరు కలుపుతున్నారంటూ ఆగ్రహం వ్యక్తం చేశారు. నాలుగు వాహనాల్లో పెట్రోల్ పోయించుకుని వెళ్లిన వాహనదారులు... కొద్ది సేపటికే మెురాయించటంతో మెకానిక్ వద్దకు తీసుకెళ్లారు. పెట్రోల్ కి బదులు నీరు పోయడం కారణంగా వాహనాలు నిలిచిపోయాయని చెప్పటంతో... వాహనదారులు ఆందోళన చేశారు.
పెట్రోల్లో నీళ్లు
బొమ్మకల్ ఉపసర్పంచ్తో పాటు స్థానికులు, వాహనదారులు పెట్రోల్బంక్కు వెళ్లారు. అనంతరం పెట్రోలును పరిశీలించగా... నీళ్లు రావటంతో ఆగ్రహం వ్యక్తం చేశారు. ట్యాంక్ వద్ద లీకేజీ ఏర్పడిందంటూ బంకు నిర్వహకులు తాత్కాలికంగా మూసివేశారు. మరమ్మతుల అనంతరం మళ్లీ ప్రారంభించనున్నట్లు వెల్లడించారు.
ఇదీ చూడండి: Petrol gift: తెరాస నాయకుడి పెళ్లిలో కాంగ్రెస్ నేతలు.. కానుకగా ఏం ఇచ్చారంటే.?
