ద్విచక్రవాహనం అదుపుతప్పి డివైడర్‌ను ఢీ కొట్టడంతో ఇద్దరు యువకులు అక్కడికక్కడే మరణించారు. ఈ ఘటన సంగారెడ్డి జిల్లా జహీరబాద్‌లోని 65వ నంబర్ జాతీయ రహదారిపై జరిగింది.
కర్ణాటక రాష్ట్రంలోని చిద్రూప గ్రామానికి చెందిన అఫాన్(24), విఖార్(34) అనే యువకులు వారి స్వగ్రామం నుంచి హైదరాబాద్‌ వెళ్లడానికి ద్విచక్రవాహనంపై బయలుదేరారు. సంగారెడ్డి జిల్లా జహీరాబాద్‌లోని 65వ జాతీయ రహదారిపై ప్రయాణిస్తున్న క్రమంలో వారి వాహనం అదుపుతప్పి డివైడర్‌ను ఢీ కొట్టింది. తీవ్రగాయలతో ఆ ఇద్దరు యువకులు అక్కడికక్కడే మృతి చెందారు. మృతుల కుటుంబ సభ్యుల ఫిర్యాదుతో కేసు నమోదు చేసిన జహీరాబాద్‌ పోలీసులు దర్యాప్తు చేస్తున్నారు.
ఇదీ చదవండి: కొంపల్లి సినీప్లానెట్ ఎదురుగా రోడ్డు ప్రమాదం
