భద్రాద్రి కొత్తగూడెం జిల్లా సుజాతనగర్ మండలంలోని సింగభూపాలెం చెరువులో సుమారు రెండు టన్నుల చేపలు మృత్యువాతపడ్డాయి. ఈ ఘటనతో మత్స్యకార సొసైటీ సభ్యులు తీవ్ర ఆవేదన చెందుతున్నారు.
ఇంతకాలం చేపలను పెంచి కంటికి రెప్పలా కాపాడుకున్నామని... మార్కెట్ చేసుకుని ఆర్థికంగా లాభం చేకూరే సమయంలో తీవ్రంగా నష్టపోయామని వాపోయారు. కానీ చేపలు చనిపోవడానికి గల కారణాలు తెలియట్లేదని ఆవేదన వ్యక్తంచేశారు. ఫంగల్ ఇన్ఫెక్షన్ కారణంగా చేపలు మృత్యువాత పడిఉండొచ్చని మత్స్యశాఖ అధికారిని అనుమానం వ్యక్తం చేశారు. ల్యాబ్ టెస్టింగ్ రిపోర్ట్ రావాల్సి ఉందన్నారు. చనిపోయిన చేపలను పెద్ద గోతిలో పూడ్చిపెడతామని తెలిపారు.
ఇదీ చూడండి: ఓటర్ల కోసం 2 క్వింటాళ్ల జిలేబీలు, 1000 సమోసాలు
