వాహనదారుడి నిర్లక్ష్యం.. లారీ, 3 వ్యాన్లు, 5 కార్లు ఢీ.. భారీగా ట్రాఫిక్​ జామ్​

Traffic Jam on Rudraram Highway: సంగారెడ్డి జిల్లా రుద్రారం వద్ద 65వ నెంబరు జాతీయ రహదారిపై భారీ ట్రాఫిక్‌ జామ్ నెలకొంది. రుద్రారం వద్ద పలు వాహనాలు ఢీకొనడంతో ఆ మార్గంలో వాహనాలు ఎక్కడికక్కడ స్తంభించిపోయాయి. లారీ, మూడు వ్యాన్లు, 5 కార్లు వరుసగా ఒకదానికొకటి ఢీకొనడంతో ట్రాఫిక్‌ జామ్‌ ఏర్పడింది. హైదరాబాద్‌ నుంచి కర్ణాటక, మహారాష్ట్ర వైపు వెళ్లే మార్గాల్లో వాహనాల రద్దీ ఏర్పడింది.

Traffic Jam on Rudraram Highway: ఒక వాహనదారుడి నిర్లక్ష్యం.. సుమారు 10 వాహనాల ప్రమాదానికి కారణమైంది. సంగారెడ్డి జిల్లా రుద్రారం జాతీయ రహదారిపై ఈ ఘటన చోటుచేసుకుంది. ఓ కారు రాంగ్‌రూట్‌లో వెళ్లి మరో కారును ఢీకొట్టింది. దీంతో ఆ కారు వెనకాలే ఉన్న వాహనాలు ఒకదానికొకటి ఢీకొన్నాయి. మొత్తం ఓ లారీ, 3 వ్యాన్లు, 5 కార్లు ప్రమాదానికి గురయ్యాయి.

ఘటనలో రాంగ్‌రూట్‌లో వెళ్లిన కారులోని ప్రయాణికులకు తీవ్ర గాయాలయ్యాయి. ఎయిర్‌బెలూన్‌ తెరుచుకోవడంతో ప్రాణాపాయం తప్పింది. ప్రమాదం కారణంగా జహీరాబాద్‌, షోలాపూర్‌ నుంచి వచ్చే మార్గాల్లో వాహనాలు పెద్ద సంఖ్యలో నిలిచిపోయాయి. రహదారిపై హైదరాబాద్‌ నుంచి కర్ణాటక, మహారాష్ట్ర వెళ్లే మార్గంలో ట్రాఫిక్‌ జామ్‌ అయింది.

ఇవీ చదవండి: రసాయన పరిశ్రమలో అగ్ని ప్రమాదం.. ఎగసిపడుతున్న మంటలు