కరోనా మహమ్మారి ఆ కుటుంబాన్ని చిన్నాభిన్నం చేసింది. 15రోజుల వ్యవధిలో ముగ్గురిని పొట్టనపెట్టుకుంది. కామారెడ్డి జిల్లా బాన్సువాడ మండలం తడ్కాలు గ్రామానికి చెందిన శ్రీనివాస్ 15 రోజుల క్రితం కొవిడ్తో మృతి చెందాడు. కొన్ని రోజుల తర్వాత అతని తల్లి కరోనాతోనే ప్రాణాలు విడిచింది.
పెళ్లై ఏడాది తిరక్కుండానే..
అప్పటికీ ఆ ఇంట మరణాలు ఆగలేదు. హైదరాబాద్లోని ఓ ప్రైవేటు ఆస్పత్రిలో కొవిడ్తో చికిత్స పొందుతున్న శ్రీనివాస్ పెద్దకుమారుడు అరవింద్.. ఇవాళ ఉదయం తుదిశ్వాస విడిచాడు. హైదరాబాద్లోని ఓ ప్రైవేటు కంపెనీలో సాఫ్ట్వేర్ ఉద్యోగం చేస్తున్న అరవింద్కు... ఏడాది క్రితమే పెళ్లయింది. 15రోజుల్లో ముగ్గురి మృతితో గ్రామంలో విషాదఛాయలు అలుముకున్నాయి.
ఇదీ చూడండి: కదులుతున్న బస్సు కిందపడి కొవిడ్ బాధితుడు బలవన్మరణం
