Person was beaten to death: మామిడితోటలోని కోళ్లదొడ్డిలో కోళ్ల చోరీకి వచ్చాడన్న నెపంతో.. అవినాష్ అనే వ్యక్తిని కోళ్ల దొడ్డి యజమాని కొట్టి చంపాడు. ఈ ఘటన ఆంధ్రప్రదేశ్ రాష్ట్రంలోని ఏలూరు జిల్లా నూజివీడు ఎం.ఆర్.అప్పారావు కాలనీలో జరిగింది. అవినాష్‌ను చెట్టుకు కట్టేసి కర్రలతో కొట్టడంతో.. అపస్మారక స్థితిలోకి వెళ్లాడు. స్థానికులు ఆయనను వెంటనే ఆసుపత్రికి తీసుకెళ్లినా ప్రయోజనం లేకుండా పోయింది. నూజివీడు ఆస్పత్రికి తరలించేలోపే అవినాష్ మృతిచెందినట్లు వైద్యులు ధృవీకరించారు. ఈ దారుణమైన ఘటనపై స్థానికులు పెదవి విరుస్తున్నారు. కోళ్ల దొంగతనానికి వస్తే దొంగగా అనుమానించి చచ్చేలా కొడతారా..? అంటూ వాపోయారు.
ఇవీ చదవండి:
