Bail granted to Simhayaji Swamiji: ఎమ్మెల్యేలకు ఎర కేసులో కీలక నిందితుడిగా ఉన్న సింహయాజీ స్వామిజీకి బెయిల్ పత్రాలు జారీ అయ్యాయి. సింహయాజీ తరఫు న్యాయవాది నాంపల్లి ఏసీబీ ప్రత్యేక కోర్టులో 6 లక్షల పూచీకత్తుతో పాటు ఇద్దరు జామీను సమర్పించారు. దీంతో కోర్టు బెయిల్ పత్రాలు మంజూరు చేసింది. స్వామీజీ తరఫు న్యాయవాది ఈ పత్రాలను రేపు చంచల్ గూడ జైలులో సమర్పించిన తర్వాత.. జైలు అధికారులు వాటిని పరిశీలించి.. ఆయనను విడుదల చేయనున్నారు.
సింహయాజీకి గతంలో హైకోర్టు బెయిల్ మంజూరు చేసినప్పటికి.. పూచీకత్తు, జామీను సమర్పించడంలో ఆలస్యమైనందున విడుదల కాలేకపోయారు. దీంతో ఆరో రోజులు తరువాత ఇద్దరి జామీను, 6 లక్షల పూచీకత్తుతో రేపు విడుదల కానున్నారు. ఇదే కేసులో ప్రధాన నిందితులుగా ఉన్న రాంచంద్ర భారతి, నందకుమార్లకు సైతం హైకోర్టు బెయిల్ మంజూరు చేయగా.. వీరిపై బంజారాహిల్స్ పోలీస్ స్టేషన్లో వేర్వేరు కేసులు నమోదయ్యాయి. ఈ కేసులుండటం వలన ఇద్దరూ చంచల్ గూడ జైల్లోనే ఉండాల్సి వస్తుంది.
ఇవీ చదవండి:
