హైదరాబాద్ టప్పాచబుత్ర పీఎస్ పరిధిలో రెమ్డెసివిర్ ఇంజక్షన్లను బ్లాక్లో విక్రయిస్తోన్న ఓ మెడికల్ షాప్ నిర్వాహకుడిని పోలీసులు అరెస్ట్ చేశారు. నిందితుడికి సహకరించిన మరో ఇద్దరు చిన్నారులనూ అదుపులోకి తీసుకున్నారు. వారి నుంచి 5 ఇంజక్షన్లు, 3 మొబైల్ ఫోన్లను స్వాధీనం చేసుకున్నట్లు వారు తెలిపారు.
నిందితుడు నిఖిల్ అగర్వాల్.. గుడిమల్కాపూర్లోని ఓ ప్రైవేటు ఆసుపత్రి వద్ద మెడికల్ షాప్ నిర్వహిస్తున్నట్లు పోలీసులు తెలిపారు. బ్లాక్లో ఒక ఇంజక్షన్ను రూ.30 వేలకు విక్రయించినట్లు తెలిపారు. చిన్నారుల సాయంతో విక్రయాలు జరుపుతుండగా పట్టుకున్నట్లు వివరించారు. అక్రమాలకు పాల్పడితే కఠిన చర్యలు తప్పవని హెచ్చరించారు.
ఇదీ చదవండి: మద్యం మానేయమన్నందుకు గొడవ.. మనస్తాపంతో ఆత్మహత్య
