ఆంధ్రప్రదేశ్లోని కడప జిల్లా బి. కోడూరు పోలీస్ స్టేషన్ పరిధిలో భారీగా బంగారం పట్టుబడింది. వంకమరి చెక్పోస్టు వద్ద పోలీసులు నిర్వహించిన వాహన తనిఖీల్లో ఈ బంగారాన్ని సీజ్ చేశారు. బద్వేల్ ఉపఎన్నికల నేపథ్యంలో పోలీసులు సోమవారం అర్ధరాత్రి ముమ్మర తనిఖీలు చేపట్టారు. అయితే ప్రొద్దుటూరు నుంచి గుంటూరు జిల్లా నరసరావుపేట వెళ్తున్న ఓ కారులో రూ. 75 లక్షలు విలువ చేసే బంగారు అభరణాలు పట్టుబడ్డాయి.
బంగారం కొనుగోలు చేసిన వ్యాపారి మణికంఠ వద్ద సరైన ఆధారాలు లభించకపోవటంతో ఆ బంగారం స్వాధీనం చేసుకున్నారు. వ్యాపారిపై పోలీసులు కేసు నమోదు చేశారు.
ఇదీ చదవండి: Telugu Akademi FD Scam 2021 : తెలుగు అకాడమీ స్కామ్.. మరో 4 రోజులు నిందితుల కస్టడీకి పోలీసుల విజ్ఞప్తి
