హిజ్రా హత్య కేసును ఛేదించిన పోలీసులు

ఏపీలోని అనంతపురంలో జరిగిన హిజ్రా హత్య కేసును పోలీసులు ఛేదించారు. చిన్ననాటి స్నేహితుడే హిజ్రాను హత్య చేశాడని నిర్ధరించారు. అప్పును తిరిగి చెల్లించమన్నందుకే ఈ దారుణానికి పాల్పడినట్లు పోలీసులు స్పష్టం చేశారు.

ఏపీలోని అనంతపురం జిల్లా హిందూపురం పట్టణ శివారులో ఈనెల 19న జరిగిన హిజ్రా హత్య కేసును పోలీసులు ఛేదించారు. నిందితులను ఒకటో పట్టణ పోలీసులు అరెస్టు చేశారు.

హిజ్రా.. చిన్ననాటి స్నేహితుడైన రాజశేఖర్​కు రూ.మూడు లక్షలు అప్పు ఇచ్చింది. అప్పును తిరిగి చెల్లించమన్నందుకే రాజశేఖర్ తన స్నేహితుడితో కలిసి హత్య చేశాడని పోలీసులు తెలిపారు. రాజశేఖర్​తో పాటు అతని స్నేహితుడు హనుమంతును అరెస్టు చేసి.. రిమాండ్​కు పంపామని పోలీసులు తెలిపారు.

ఇవీచూడండి: 320 కిలోల గంజాయి స్వాధీనం... ఐదుగురు అరెస్ట్​