two groups attack: హనుమకొండ జిల్లా కేంద్రంలోని హనుమకొండ మండలం గుండ్ల సింగారంలో ఉద్రిక్తత చోటు చేసుకుంది. సీపీఐ ఆధ్వర్యంలో ప్రభుత్వ భూమిలో నిరుపేదలు గుడిసెలు వేసుకున్నారు. ఆయితే స్థానికులు వీరిని అడ్డుకున్నారు. పేదలు వేసుకున్న గుడిసెలను స్థానికులు తొలగించారు. ఈక్రమంలో స్థానికులకు, గుడిసెవాసులకు తీవ్ర తోపులాట, వాగ్వాదం చోటు చేసుకుంది.
దీంతో ఒకరిపై ఒకరు కర్రలతో దాడి చేసుకున్నారు. మా భూములలో గుడిసెలు వేసుకుంటున్నారని స్థానికులు ఆరోపించారు. అది ప్రభుత్వ భూమి కాదని అన్నారు. గుడిసెలు ఉన్న స్థలాలకు రాకుండా స్థానికులు అడ్డుకున్నారు. ఈదాడిలో పలువురికి గాయాలయ్యాయి. ఉద్రిక్తత చోటు చేసుకోవడంతో పోలీసులు ఘటనా స్థలానికి చేరుకుని పరిస్థితిని అదుపులోకి తెచ్చారు. పేదలు గుడిసెలకు వెళ్లే రోడ్డుకు అడ్డంగా స్థానికులు ముళ్లకంపలు వేశారు.
ఇవీ చదవండి:
అమ్మతో గొడవ.. అమ్మమ్మ ఇంటికి వెళ్తుండగా బాలికపై సామూహిక అత్యాచారం
ఏకే-47 కేసులో ఎమ్మెల్యేకు పదేళ్లు జైలు శిక్ష- పదవి పోవడం ఖాయం!
