Married suicide attempt in Manchryala district: భర్త కాపురానికి తీసుకెళ్లడం లేదని మనస్తాపం చెంది ఓ వివాహిత ఆత్మహత్యయత్నానికి పాల్పడింది. ఎస్సై ఆంజనేయులు కథనం ప్రకారం కన్నాల గ్రామానికి చెందిన వొడ్నాల మౌనికకి, బెల్లంపల్లి పట్టణంలోని శాంతిఖని బస్తీకి చెందిన వొడ్నాల నరేష్తో 2014లో వివాహమైంది. 2015లో ఆమె తండ్రి చనిపోవడంతో వారసత్వంగా నరేష్కు సింగరేణి సంస్థలో ఉద్యోగం వచ్చింది.
వారిద్దరి మధ్య వచ్చిన గొడవలు కారణంగా 5 సంవత్సరాల నుంచి దూరంగా ఉంటున్నారు. 2018లో ఆమె నరేష్పై కోర్టులో ప్రైవేట్ కేసు వేసింది. కోర్టుకు సైతం ఆమె భర్త గైర్హాజరవుతుండే వాడు. దీంతో ఆమె మనస్తాపానికి గురై గడ్డి మందు తాగి ఆత్మహత్యాయత్నం చేసింది. వెంటనే ఆమెను దగ్గరల్లో ఉన్న బెల్లంపల్లి ప్రభుత్వ ఆసుపత్రికి తరలించారు. ఈ విషయంపై కేసు నమోదు చేసుకొని ఆరా తీస్తున్నట్లు రెండో పట్టణ ఎస్సై ఆంజనేయులు తెలిపారు.
"మాకు 2014లో పెళ్లి అయింది. పెళ్లి అయిన నెల రోజుల తరవాత హైదరాబాద్ వెళ్లిపోయాడు. నన్ను కొన్నిరోజుల ఆగి తీసుకెళ్తాను అన్నాడు. అలా 6 నెలలు గడిచిన ఇంకా రాలేదు. నేను అప్పటి వరకు మామ వాళ్ల ఇంటిలోనే ఉన్నాను. ఆ తరవాత వచ్చి 3 లక్షలు ఇస్తేనే తీసుకెళ్తానని చెప్పాడు. అలానే ఇచ్చాం. అయినా తీసుకెళ్ల లేదు. ఎంతకి వినకపోడంతో కేసు పెట్టాను. అప్పటికి నన్ను కాపురానికి తీసుకెళ్ల లేదు. వేరే ఊర్లో ఇంకో అమ్మాయిని పెళ్లి చేసుకొని ఉంటున్నాడు. నాకు ఎలాగైన న్యాయం జరగాలి." -మౌనిక, బాధితురాలు
ఇవీ చడవండి:
